რონალდ, გამოისყიდე საკუთარი თავი!

რონალდ, გამოისყიდე საკუთარი თავი!

რონალდ კუმანის მომავალზე მცირე გავლენა, შესაძლოა, "ეიბართან" დღეს გასამართმა მატჩმა იქონიოს.

ბოლო დღეებში რამდენჯერმე გავრცელდა ინფორმაცია, რომ ჟოან ლაპორტა აპირებს კუმანს მომდევნო კვირაში შეხვდეს. განსახილველი საკითხი, რა თქმა უნდა, ნიდერლანდელი სპეციალისტის მომავალია. ლაპორტას კუმანის გაშვება სურს, მაგრამ პრობლემას ფინანსური საკითხი ქმნის - რონალდის ვადაზე ადრე გათავისუფლება "ბარსას" 7 მილიონი ევრო უჯდება. ვრცელდება ინფორმაცია, რომ კუმანი დათმობაზე წასვლას არ აპირებს და თანხას სრულად მოითხოვს, რაც ფინანსურ კრიზისში მყოფი "ბლაუგრანასთვის" პრობლემაა.

ბოლო დღეებში ასევე გავრცელდა ინფორმაცია იმის შესახებ, თუ რამდენ მილიონს მიიღებენ ესპანური კლუბები ლა ლიგაში დაკავებული ადგილების მიხედვით. მაგალითად, ჩემპიონი 59.5 მილიონით დასაჩუქრდება, ვიცე-ჩემპიონი 52.5 მილიონით, მე-3 ადგილზე გასული გუნდი 45.5 მილიონით, ხოლო მეოთხე ადგილი - 38.5 მილიონით. "ბარსა" ამჟამად მე-3 ადგილს იკავებს და ამ პოზიციის საბოლოოდ შესანარჩუნებლად დღეს "ეიბართან" არწაგება მართებს. მე-2 ადგილზე გადასვლის შანსი არ გვაქვს, მაგრამ როგორც ირკვევა, არც მე-3 პოზიციისთვის ბრძოლა არის უმნიშვნელო, რადგან 7 მილიონის ბედი წყდება.

მე-4 პოზიციაზე მყოფ "სევილიას" 2 ქულით ვუსწრებთ. პლანეტა დედამიწაზე არსებული ძლიერი გუნდებიდან "სევილია" ერთდერთია, რომელთანაც კუმანის "ბარსელონას" ურთიერთშეხვედრებში უპირატესობა აქვს. ეს ნიშნავს, რომ თანაბარი ქულების შემთხვევაში მე-3 ადგილს "ბარსა" დაიკავებს, რაც იმას ნიშნავს, რომ მიზნის მისაღწევად დღეს ქულაც გვყოფნის.

"ბარსელონას" მიზანი მე-3 ადგილი არ შეიძლებოდა ყოფილიყო და ამ პოზიციის დაკავებით მიღებული ზედმეტი 7 მილიონი ევრო კლუბის ბიუჯეტის გაუთვალისწინებელი შემოსავალი ნამდვილად არ იქნება, პირიქით, ჩვენ მიზანი გაჩემპიონება და კიდევ 14 მილიონის მიღება იყო. თუმცა დღეის მდგომარეობით ამ 7 მილიონისთვის გვიწევს ბრძოლა და შესაძლოა სიმბოლურიცაა, რომ ამდენივეს მოითხოვს რონალდ კუმანი "ბარსელონასგან".

ბატონო რონალდ, გამოისყიდეთ საკუთარი თავი "ბარსელონასგან". ამისთვის საკმარისია ბოლოადგილოსან და ლა ლიგიდან გავარდნილ "ეიბართან" არ წააგოთ. გვესმის, რომ თქვენი "ბარსელონასთვის" ეს იოლი საქმე სულაც არაა, მაგრამ არც 7 მილიონია პატარა ფული...

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 10 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #10 22 მაისი 2021 20:54
    0
    ბოლო მომეწონა და სათაურიც
    Culé [?]
    #9 22 მაისი 2021 19:49
    0
    ნამუსი არ ეყოფა თავისი სურვილით წასასვლელად,კიდე რომ ამბობს თან დარჩენა მინდაო და რატომ თვლის რომ იმსახურებს დარჩენის შანსს გაუგებარია, მარტო იმიტომ რომ ესპანეთის თასი მოაგებინა გუნდს და ახალგაზრდებს მისცა დრო და ისიც ვინც მას უნდოდა იმას და ზოგიერთები სკამზე დაალპო?
    საიტის ლეგენდა  [?]
    #8 22 მაისი 2021 18:20
    1
    დიდი პატივისცემის მიუხედავად გასაშვებია გუნდიდან
    --------------------
    1)ჩემს გუნდებში, მეკარე მთავარი შემტევია, ცენტრფორვარდი კი - მთავარი დამცველი.
    2)მხოლოდ ერთი ბურთი არსებობს და ის შენ უნდა გქონდეს.
    საიტის ლეგენდა  [?]
    #7 22 მაისი 2021 17:24
    0
    ისე შეაგდეთ ეს უბედური ნამუსზე, რო ალბათ მოიგებს დღეს, რაღაც დამანგრეველი ანგარიშით.
    საიტის ლეგენდა  [?]
    #6 22 მაისი 2021 15:50
    1
    მაშინ გამოიმუშაოს დამსახურებული 7 ლიმონი და ქუდიც დაიხუროს, ყველაფერი სამართლიანად იქნება barca-6
    გულშემატკივარი [?]
    #5 22 მაისი 2021 15:41
    1
    კუმანია მადლობელი უ და იყოთ რომ კლუბში სიტუაცია დაალაგა ის სიტუაცია რაც ახლა კლუბში დამიჯერეთ 100 მილიონსაც ჯობია ბოლო ბოლომესი წასვლას აღარ აპირებს შესაბამისად კუმანი დამსახურებულ 7 მილიონს მოითხოვს
    საიტის ლეგენდა  [?]
    #4 22 მაისი 2021 14:46
    2
    ეს თავისი ნებით არ წავა უნდა მიაბრძანოს ლაპორტამ
    --------------------
    91/92 05/06 08/09 10/11 14/15 to be continued
    ფანი [?]
    #3 22 მაისი 2021 13:41
    0
    რავი აბა, ბარსას გამო ჰონალდიის ნაკრები მიატოვა, არა მგონია ასე ადვილად დათმოს რამე.
    ფანი [?]
    #2 22 მაისი 2021 13:04
    1
    4-2-3-1 უნდა ითამაშოს💕
    პენია
    დესტი პიკე მინგესა ალბა
    დეიონგი ბუსი
    დემბელე პუჩი დე ლა ფუენტე
    რონალდო😂💕
    Culé [?]
    #1 22 მაისი 2021 12:45
    4
    რატომღაც არ მგონია რომ მაგას გააკეთებს, მაგრამ თუ 7 მლნ-თვის ომს ატეხავს, მაშინ უნდა აჰკიდონ ზურგზე ის ძლივს მოგებული ერთი საცოდავი თასი და ... გზას გაუყენონ, როგორც რუსებმა იციან (ბოდიშს გიხდით) - "пешком по шпалам"!!! -- არანაირად აღარ შემეცოდება!
    angry angry angry