მოსალოდნელი კლასიკო ესპანეთის სუპერ თასზე
ლა ლიგის 37-ე ტურის შემდეგ ესპანეთის სუპერ თასის მომდევნო გათამაშების ოთხივე გუნდი გაირკვა და მეტიც, ცნობილია ნახევარფინალის სავარაუდო წყვილები.
აქამდე სუპერ თასის საგზური ქვეყნის თასის ფინალისტებს, "ბარსელონასა" და "ბილბაოს" ჰქონდათ გაფორმებული. მათ ცოტა ხნის წინ შეუერთდა "ატელტიკო", გუშინ კი "რეალიც". მადრიდულმა გუნდებმა ლა ლიგის პირველ ორ პოზიციაზე მოხვედრა გაინაღდეს.
პრიმერა დივიზიონის ბოლო ტური არა მხოლოდ ქვეყნის ჩემპიონს, არამედ სუპერ თასის ნახევარფინალის წყვილებსაც გამოავლენს. გუნდები ჯვარედინად დაწყვილდებიან - თასის გამარჯვებული ("ბარსელონა") ჩემპიონატში მეორეადგილოსანს შეხვდება, ხოლო ქვეყნის ჩემპიონი თასის ფინალში დამარცხებულს ("ბილბაოს"). ეს ნიშნავს, რომ დღევანდელი სიტუცია არ შეიცვლება, ანუ "ატლეტიკო" პირველ ადგილს შეინარჩუნებს, ხოლო "რეალი" მეორეზე გავა, სუპერ თასის ერთ ნახევარფინალში "ელ კლასიკოს" მივიღებთ, მეორეში კი ერთმანეთს "ატლეტიკო" და "ბილბაო" დაუპირისპირდებიან.
ესპანეთის სუპერ თასის თამაშები 2022 წლის იანვარში ჩატარდება.
ამ სიახლეზე კომენტარები გათიშულია.
კომენტარები [ 5 ]