ბარსელონას აგუეროსა და დეპაის შორის არჩევანის გაკეთება უჭირს - MD
Mundo Deportivo-ს მიერ გავრცელებული ინფორმაციის თანახმად, "ბარსელონას" ჯერ არ გადაუწყვეტია, სერხიო აგუერო დაიმატოს თუ მემფის დეპაი, ამის მიზეზი კი ისაა, რომ რონალდ კუმანის მომავალი კატალონიურ კლუბში უფრო და უფრო საეჭვო ხდება.
აგუეროსა და დეპაის სიტუაცია ერთმანეთს ძალიან ჰგავს. "მანჩესტერ სიტისა" და "ლიონის" შემტევები სეზონის ბოლოს თავისუფალი აგენტები ხდებიან და ორივეს "ბარსელონაში" თამაში უნდა, თუმცა "ბლაუგრანა" მხოლოდ ერთ-ერთ მათგანს დაიმატებს.
MD-ს ცნობით, ამ საკითხთან დაკავშირებით კუმანისა და ხელმძღვანელობის აზრი ორადაა გაყოფილი. რონალდს გუნდში მისი თანამემამულის მოსვლა უნდა, ხოლო კლუბის დირექტორები დეპაის შეძენაში დარწმუნებულები არ არიან. ჟოან ლაპორტას სურს, გაიფორმოს აგუერო, რომლის მოსვლის წინააღმდეგი ნიდერლანდელი სპეციალისტია.
იმავე წყაროს ინფორმაციით, ვინ მოვა "ბარსელონაში", აგუერო თუ დეპაი, დამოკიდებულია იმაზე, დარჩება თუ არა კუმანი, ეს კი ჯერჯერობით გადაწყვეტილი არაა.
ამ სიახლეზე კომენტარები გათიშულია.
კომენტარები [ 5 ]