ბარსელონას უარი პარი სენ-ჟერმენს
"პარი სენ-ჟერმენი" მზად იყო "ბარსელონასთვის" ემერსონში 15 მილიონი ევრო გადაეხადა, მაგრამ კატალონიურმა კლუბმა ფრანგები უარით გაისტუმრა.
ემერსონი "ბეტისში" თამაშობს და საკმაოდ კარგადაც. ბრაზილიელი მარჯვენა მცველის სატრანსფერო უფლებების 50%-ს "ბარსელონა" ფლობს, რომელსაც დანარჩენი 50%-ის 9 მილიონ ევროდ გამოსყიდვის უფლება აქვს. გავრცელებული ცნობებით "ბლაუგრანა" ამ უფლებას გამოიყენებს და თუ ფინანსურად მიმზიდველი წინადადება არ მიიღო, ფეხბურთელს მომდევნო სეზონისთვის გუნდში დაიტოვებს.
Mundo Deportivo-ს ცნობით პსჟ-მ 22 წლის ფეხბურთელის 15 მილიონად შეძენის სურვილი გამოთქვა. ეს ნიშნავდა, რომ "ბარსა" მხოლოდ 6 მილიონის მოგებას ნახავდა და გასაკვირი არაა, რომ კატალონიელებმა პარიზელები უარით გაისტუმრეს. გავრცელებული ინფორმაციით "ბარსა" სამხრეთ ამერიკელის 25 მილიონ ევროზე ნაკლებად გაყიდვას არ განიხილავს.
ემერსონი სევილიურ გუნდში მე-2 სეზონს ატარებს. მისი მონაგარი 74 შეხვედრაში 5 გოლი და 10 საგოლე გადაცემაა.
ამ სიახლეზე კომენტარები გათიშულია.
კომენტარები [ 5 ]