ნეიმარი საკუთარ მომავალზე: ისე მოვიქცევი, როგორც ყველასთვის უკეთესი იქნება
"პარი სენ-ჟერმენის" ბრაზილიელმა ვარსკვლავმა, ნეიმარმა, "მანჩესტერ სიტისთან" ხვალინდელი მატჩის წინ გამართულ პრესკონფერენციაზე საკუთარ მომავალთან დაკავშირებით ისაუბრა.
ბოლო დროს ნეიმარი "ბარსელონას" კიდევ ერთხელ დაუკავშირეს. გავრცელებული ცნობებით ბრაზილიელი 2022 წლამდე მოცდასა და "ბლაუგრანაში" უფასოდ დაბრუნებაზე ფიქრობს. თუმცა დღეს მან განსხვავებული განცხადება გააკეთა.
კონტრაქტის გახანგრძლივებასთან დაკავშირებით დასმულ შეკითხვას ბრაზილიელმა ასე უპასუხა:
ისე მოვიქცევი, როგორც ყველასთვის უკეთესი იქნება. პარიზში ბედნიერი ვარ. პარიზში თავს ყველაზე კარგად ამ სეზონში ვგრძნობ. წელს უფრო ბედნიერი ვარ, ვიდრე წინა 2 წლის განმავლობაში.
პსჟ მსოფლიოს უძლიერეს კლუბებს შორის შედის. გასულ სეზონში ჩვენ ჩემპიონთა ლიგის ფინალში ვიყავით, წელს კი ამ ტურნირის მოგების იმედი გვაქვს.
მიუხედავად ნეიმარის განცხადებისა, რომ პარიზში ბედნიერია, ის გადაჭრით მაინც არ აცხადებს, რომ პსჟ-სთან კონტრაქტს გაახანგრძლივებს.
ამ სიახლეზე კომენტარები გათიშულია.
კომენტარები [ 10 ]