ბარსელონა და სერჟი რობერტო ვერ თანხმდებიან | MD
"ბარსელონა" და გუნდის მე-4 კაპიტანი სერჟი რობერტო კონტრაქტის გახანგრძლივების თაობაზე შეთანხმებას ვერ აღწევენ. ამ ინფორმაციას Mundo Deportivo ავრცელებს.
სერჟი რობერტოს მოქმედი ხელშეკრულების ვადა 2022 წლის ზაფხულში იწურება. MD-ს ცნობით, "ბარსა" და ესპანელი ფეხბურთელი მოლაპარაკებებს აწარმოებენ, მაგრამ მხარეები ვერ თანხმდებიან. ივარაუდება, რომ ამის მიზეზი ახალი კონტრაქტის ხანგრძლივობაა. "ბლაუგრანა" რობერტოს კონტრაქტის მხოლოდ ერთი წლით გახანგრძლივებას სთავაზობს, ეს კი სერჟის არ აკმაყოფილებს და ყოყმანობს.
იმავე წყაროს ინფორმაციით, "ბარსელონას" ახალმა სპორტულმა კომისიამ მიიღო ახალი წესი, რომლის თანახმადაც, 30 წელს გადაცილებულმა ფეხბურთელებმა კონტრაქტები ერთი წლით უნდა გაახანგრძლივონ. სერჟი რობერტო, ჯერჯერობით, 29 წლის არის, თუმცა, როგორც ჩანს, ახალი რეგულაცია მასაც შეეხო.
აქვე დავძენთ, რომ სერჟი რობერტომ, რომელიც "ბარსას" აღზრდილია, კატალონიელთა რიგებში ცოტა ხნის წინ მე-300 მატჩი ჩაატარა.
ამ სიახლეზე კომენტარები გათიშულია.
კომენტარები [ 12 ]