ლა ლიგის ოფიციალური განცხადება ევროპის სუპერ ლიგის შესახებ
ლა ლიგა ევროპის სუპერ ლიგის თაობაზე ოფიციალურ განცხადებას აქვეყნებს.
განცხადებაში ესპანეთის ჩემპიონატის მმართველი ორგანო ეწინააღმდეგება ახალი საფეხბურთო ტურნირის პროექტს. გთავაზობთ განცხადებას სრულად:
ლა ლიგა გმობს დაანონსებულ პროექტს, სეცესიური და ელიტური საფეხბურთო ტურნირის შესახებ, რომელიც მიზნად ისახავს იმ ღია შეჯიბრებითობისა და სპორტული ღირსების პრინციპებზე თავდასხმას, რომელსაც ეროვნული და ევროპის საფეხბურთო ეკოსისტემა ეფუძნება.
დღეს, მთელი ევროპის მასშტაბით, თითოეული გუნდის გულშემატკივრები, მიუხედავად ამ კლუბის სიდიდისა, იმედოვნებენ, რომ შეძლებენ წარმატების მიღწევასა და ევროპული ფეხბურთის მწვერვალზე ასვლას.
ლა ლიგა იცავს ევროპული ფეხბურთის ტრადიციას, რომელიც ნიშნავს ფეხბურთს ყველასთვის. კონცეფცია, რომელიც 12-მა ევროპულმა გუნდმა შეიმუშავა, ანადგურებს ოცნებას და ელიტაში შესასვლელ კარს ღიას მხოლოდ რამდენიმე კლუბისთვის ტოვებს.
ლა ლიგას ღია და ღირსეული ჩემპიონატის 90-წლიანი ისტორია აქვს. მსოფლიოს გარშემო, მილიონობით გულშემატკივარი ლა ლიგისა და სეგუნდა დივიზიონის 42 კლუბს წარმოადგენს. ჩვენმა წარმატებამ განაპირობა ის, რომ დღეს, ესპანეთის ეკონომიკაში ფეხბურთი მშპ-ის, თითქმის, 1.4%-სა და 200 ათას დასაქმებულ ადამიანს წარმოადგენს.
შემოთავაზება ახალი ევროპული ტურნირის შესახებ არის არაფერი, გარდა ეგოისტური მცდელობა მდიდრების კიდევ უფრო გამდიდრებისა. იგი ძირს გამოუთხრის სპორტის ამ სახეობას და ლა ლიგის ახლო მომავალზე სავალალო ზეგავლენას იქონიებს.
ჩვენ გამოვიყენებთ ჩვენს ხელთ არსებულ ყველა ბერკეტს, ვიმუშავებთ თითოეულ მხარესთან, რათა დავიცვათ ესპანური და მსოფლიო ფეხბურთის მთლიანობა და მომავალი.
- ვკითხულობთ განცხადებაში.
ამ სიახლეზე კომენტარები გათიშულია.
კომენტარები [ 19 ]