ბარსელონა დემბელეს გასაყიდად მზადაა | Sport
"ბარსელონასა" და გუნდის თავდამსხმელ უსმან დემბელეს შორის კონტრაქტის გახანგრძლივების თაობაზე მოლაპარაკებებში სტაგნაცია შეინიშნება. ამ ინფორმაციას Sport ავრცელებს.
წყაროს ცნობით, კატალონიური კლუბი ფრანგი შემტევის წარმომადგენლებს რამდენიმეჯერ დაუკავშირდა, თუმცა მისი აგენტი მოლაპარაკებების სეზონის ბოლომდე გადადებას ცდილობს.
დემბელეს მოქმედი ხელშეკრულების ვადა მომავალი წლის ზაფხულში ეწურება. იმავე წყაროს ინფორმაციით, "ბარსელონა" შეეცდება დემბელეს წარმომადგენლებისგან საბოლოო პასუხი მიმდინარე სეზონის დასრულებამდე მიიღონ. თუ უსმანი და მისი მხარე კონტრაქტის გახანგრძლივებაზე უარს იტყვიან, "ბლაუგანა" 23 წლის ფეხბურთელს ტრანსფერზე დააყენებს.
გუშინ გავრცელებული ინფორმაციით, უსმან დემბელეს შეძენის სურვილს "ლივერპული" გამოთქვამს. მერსისაიდელები სადიო მანეს შეცვლას სწორედ ფრანგი მოთამაშით გეგმავენ.
ამ სიახლეზე კომენტარები გათიშულია.
კომენტარები [ 18 ]