ერთი დღე "ბარსას" ისტორიაში - 14 აპრილი

ერთი დღე "ბარსას" ისტორიაში - 14 აპრილი

განვაგრძობთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 14 აპრილს მოხდა.

თამაშები

14 აპრილს "ბარსელონას" 18-ჯერ უთამაშია. კატალონიელებმა 8 მატჩი მოიგეს, 9 ფრედ დაასრულეს და 1 წააგეს.

1901 წელი

კატალონიის ჩემპიონატის ბოლო ტურში "ისპანიამ" "ბარსელონასთან" 1-1 ითამაშა, რის წყალობითაც ჩემპიონობა მოიპოვა. "ბარსა" კონკურენტს 2 ქულით ჩამორჩა.

ჩემპიონატის საუკეთესო ბომბარდირი 31 გოლით "ბარსელონას" დამაარსებელი ჟოან გამპერი გახდა, მეორე ადგილზე გასულმა გუსტავო გრინმა ("ისპანია") კი მხოლოდ 9 გოლი გაიტანა.

1901 წელი

დაიბადა "ბარსელონას" ყოფილი ფეხბურთელი (1921-27) და მწვრთნელი (1939-41) ჟოზეპ პლანასი.

1932 წელი

დაიბადა "ბარსელონას" ყოფილი თავდამსხმელი ესტებან არენა. 1954-1956 წლებში მან "ბლაუგრანას" მაისურით 25 თამაში ჩაატარა და 11 გოლი გაიტანა.

1940 წელი

"ლეს კორტსზე" გამართული "ელ კლასიკო" უგოლოდ დასრულდა.

1991 წელი

დაიბადა "ბარსელონას" ყოფილი მცველი მარტინ მონტოია. 2008-2015 წლებში მან "ბლაუგრანას" მაისურით 69 თამაში ჩაატარა და 2 გოლი გაიტანა. მონტოიამ "ბარსელონასთან" ერთად 3 ესპანეთის ჩემპიონატი, 2 ესპანეთის თასი, 1 ესპანეთის სუპერ თასი და ერთი ჩემპიონთა ლიგა მოიგო.

1991 წელი

გულთან დაკავშირებული პრობლემების გამო აღებული იძულებითი პაუზის შემდეგ "ბარსელონას" მთავარი მწვრთნელი იოჰან კრუიფი საქმეს დაუბრუნდა, მისმა გუნდმა კი "კასტელონი" სტუმრად 1-0 დაამარცხა. ეს თამაში კრუიფისთვის "ბარსელონას" მწვრთნელის რანგში ლა ლიგაში მე-100 გამოდგა.

1997 წელი

რონალდოს აგენტმა, რეინალდო პიტამ განაცხადა, რომ "ბარსელონა" და ბრაზილიელი ფეხბურთელი ახალი კონტრაქტის დეტალებზე შეთანხმდნენ, რომელიც ძალაში 2006 წლამდე უნდა ყოფილიყო.

2001 წელი

"ბარსელონამ" ზედიზედ მე-2 თამაში დაამთავრა ანგარიშით 4-4, ამჯერად "სახლში" "სარაგოსასთან". კატალონიელები პირველი ტაიმის შემდეგ 0-2, 79-ე წუთზე კი 2-4 მარცხდებოდნენ. საბოლოოდ, ოვერმარსის, რივალდოსა და კლუივერტის (2) გოლებით "ბლაუგრანამ" ქულა აიღო.

2014 წელი

ახალგაზრდული ჩემპიონთა ლიგის პირველი გათამაშების ფინალში "ბარსელონამ" "ბენფიკა" 3-0 გაანადგურა. გოლები როდრიგომ და მუნირმა (2) გაიტანეს.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 3 ]

    ინფორმაცია
    ამ სიახლეზე კომენტარები გათიშულია.
    Culé [?]
    #3 14 აპრილი 2021 21:09
    0
    აუუუუუჰ რონალდინიო რონალდო რივალდო, ბრაზილიის ნაკრების შეტევა ბარსას ეყოლებოდა. რას დახატავდნეენ
    --------------------
    1)ჩემს გუნდებში, მეკარე მთავარი შემტევია, ცენტრფორვარდი კი - მთავარი დამცველი.
    2)მხოლოდ ერთი ბურთი არსებობს და ის შენ უნდა გქონდეს.
    Culé [?]
    #2 14 აპრილი 2021 13:23
    0
    ფრეების დღე ყოფილა მოგებაზე მეტი ფრე აქვთ ნათამაშები.
    საიტის ლეგენდა  [?]
    #1 14 აპრილი 2021 12:58
    0
    ისევ რიგითი დღე.