"ბარსელონას" მხარდაჭერა "რეალის" მეკარეს
საფეხბურთო სამყაროს ჯერ რასიზმთან ბრძოლაში არ აქვს წინსვლა და ახალი პრობლემა გამოჩნდა - სექსიზმი. ქალთა ფეხბურთის პოპულარიზაციას ფეხბურთში სექსიზმის პრობლემის გაღვივება მოჰყვა, რისი მსხვერპლიც, ახლახან, მადრიდის "რეალის" მეკარე გახდა.
ერთი თვის წინ "რეალმა" მნიშვნელოვანი თამაში მოიგო. გუნდმა, რომელიც სულ მეორე სეზონს ატარებს, აქამდე ესპანეთის ერთ-ერთ საუკეთესო გუნდს, "ატლეტიკოს" მოუგო. ქალაქური დერბის პირველად მოგება, ბუნებრივია, ემოციური და ძალინ მნიშვნელოვანი იყო.
ახლახან, როდესაც "რეალის" მამაკაცთა გუნდმა ჩემპიონთა ლიგაზე "ლივერპული" დაამარცხა, მადრიდელთა ქალთა გუნდის მეკარემ, მარია ისაბელმა, იგივე მისამ, Twitter-ზე დადო 2 ფოტოსურათი - ერთზე ის "ატლეტიკოსთან" მოგებას ზეიმობს, მეორეზე კი მარკო ასენსიო "ლივერპულთან" მოგებას. პოსტს თან ახლადა მინაწერი Misma Pasion ("იგივე ვნებით", "იგივე გრძნობით"). ამ პოსტმა სავარაუდოდ გენდერული თანასწორობის მოწინააღმდეგეებში ისეთი აგრესია გამოიწვია, რომ 21 წლის მეკარე იძულებული გახდა წაეშალა.
საფეხბურთო სამყარომ მისას მხარდაჭერა არ დააყოვნა. არაერთმა ფეხბურთელმა თუ საფეხბურთო კლუბმა მსგავსი პოსტი დადო. მათ არ ჩამორჩა არც "ბარსელონა", რომელმაც კატალონიელთა ქალთა გუნდის თავდამსხმელის, მარიონა კალდენტეის გოლის აღნიშვნა ლეო მესისას შეადარა.
მთლიანი კამპანიის, ისევე, როგორც "ბარსელონას" პოსტის არსი ერთია - ქალებიც შეიძლება ისეთივე გრძნობით თამაშობდნენ ფეხბურთს, როგორც მამაკაცები და სპორტის ამ სახეობაში რომელიმე სქესის დაკნინება მიუღებელია.
Same passion 💙❤️ pic.twitter.com/ieIlW0MLku
— FC Barcelona (@FCBarcelona) April 7, 2021
ამ სიახლეზე კომენტარები გათიშულია.
კომენტარები [ 8 ]