კუნთის დაზიანების გამო ლუის სუარესს 2-3 კვირა გაუცდება - Sport

"ატლეტიკო მადრიდმა" დაადასტურა, რომ ლუის სუარესმა კუნთის დაზიანება მიიღო.

გავლენიანი გამოცემა Diario Sport-ის თანახმად ურუგვაელ თავდამსხმელს ვარჯიშის დატოვება ოთხშაბათს მოუწია, რადგან მან მარცხენა ფეხში დისკომფორტი იგრძნო.

მიუხედავად იმისა, რომ სუარესის ტრავმის სიმძიმე ჯერ-ჯერობით უცნობია, ამავე წყაროს ვარაუდით სუარესი 2-3 კვირის განმავლობაში თამაშს ვერ შეძლებს. 

სუარესის არყოფნა "ბარსელონას" ლა ლიგის ტიტულის მოპოვების იმედს უძლიერებს, რადგან ურუგვაელი 19 გოლით ლა ლიგის საუკეთესო ბომბარდირია "ატლეტიკოს" ფეხბურთელებს შორის.

შეგახსენებთ, რომ ცხრილის სათავეში მყოფ "ატლეტიკოს" "ბარსელონა" მხოლოდ ერთი ქულით ჩამორჩება.