ერთი დღე "ბარსას" ისტორიაში - 6 აპრილი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 6 აპრილს მოხდა.

თამაშები

6 აპრილს "ბარსელონას" 18-ჯერ უთამაშია. კატალონიელებმა 13 მატჩი მოიგეს, 2 ფრედ დაასრულეს და 3 წააგეს.

1930 წელი

ესპანეთის თასის 1/16 ფინალის პირველ მატჩში "ბარსელონამ" საკუთარ კედლებში "დეპორტივო" 8-0 გაანადგურა. გოლები აროჩამ (5), ბესტიტმა, გოიბურუმ და გუსმანმა გაიტანეს.

1952 წელი

ლა ლიგის საშინაო შეხვედრაში "ბარსელონამ" "ლას პალმასი" 7-0 გაანადგურა. გოლები სესარმა (3), კუბალამ (2), მანჩონმა და ვილამ გაიტანეს.

1968 წელი

"ელ კლასიკომდე" 3 დღით ადრე "ბარსელონას" 27 წლის მცველი ხულიო სესარ ბენიტესი გარდაიცვალა. გარდაცვალების მიზეზი ზღვის პროდუქტებით მოწამვლა გახდა.

2010 წელი

ჩემპიონთა ლიგის 1/4 ფინალის განმეორებით მატჩში "ბარსელონამ" "არსენალი" ლეო მესის 4 გოლის წყალობით 4-1 დაამარცხა.

2011 წელი

ჩემპიონთა ლიგის 1/4 ფინალის პირველ მატჩში "ბარსელონამ" საკუთარ კედლებში "შახტარი" 5-1 გაანადგურა. გოლები ალვესმა, პიკემ, ინიესტამ, კეიტამ და და ჩავიმ გაიტანეს.

2013 წელი

ერიკ აბიდალი მოედანზე 2012 წლის 29 თებერვლის შემდეგ პირველად გამოჩნდა. წელიწადზე მეტი ხნის განმავლობაში ის ღვიძლის სიმსივნის გამო უქმობდა. იმ მატჩში "ბარსელონამ" "მალიორკა" 5-0 გაანადგურა. გოლები ფაბრეგასმა (3) და სანჩესმა (2) გაიტანეს.