დე ლიხტს ბარსელონაში გადმოსვლა სურს
"იუვენტუსის" ცენტრალურ მცველს მატიას დე ლიხტს ტურინული გუნდის დატოვება და "ბარსელონაში" გადმოსვლა უნდა. ამ ინფორმაციას RAC1-ის ჟურნალისტი ხერარდ რომერო ავრცელებს.
დე ლიხტს "ბარსელონაში" გადმოსვლის შანსი ადრე უკვე ჰქონდა. 2019 წელს, როდესაც "ბლაუგრანამ" "აიაქსიდან" ფრენკი დე იონგი დაიმატა, კატალონიელები იმავე კლუბიდან აქტიურად ცდილობდნენ ნიდერლანდელი უკანახაზელის გადმობირებასაც, მაგრამ მაშინ მან "იუვეში" გადასვლა ამჯობინა.
ხერარდ რომეროს ცნობით, დე ლიხტი ნანობს, რომ "ბარსაზე" უარი თქვა და აცნობიერებს, რომ "იუვენტუსში" გადასვლით შეცდომა დაუშვა. 21 წლის ფეხბურთელს ახლა უნდა, რომ "ბლაუგრანას" შეუერთდეს, თუმცა "ბიანკონერის" მისი გაყიდვა არ სურს.
მატიას დე ლიხტმა, ტრავმებისა და კორონავირუსის გამო, მიმდინარე სეზონში 41 შესაძლო მატჩიდან მონაწილეობა 25-ში მიიღო.
ამ სიახლეზე კომენტარები გათიშულია.
კომენტარები [ 28 ]