ერთი დღე "ბარსას" ისტორიაში - 2 აპრილი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 2 აპრილს მოხდა.

თამაშები

2 აპრილს "ბარსელონას" 16-ჯერ უთამაშია. კატალონიელებმა 5 მატჩი მოიგეს, 5 ფრედ დაასრულეს და 6 წააგეს.

1916 წელი

ესპანეთის თასის 1/2 ფინალის პირველ მატჩში 2-1 მოგების შემდეგ "ბარსელონა" მადრიდში "რეალ მადრიდთან" 1-4 დამარცხდა. თუმცა მაშინ მოქმედი წესების თანახმად ორმატჩიან დაპირისპირებაში ფრე დაფიქსირდა და გადათამაშება დაინიშნა.

1986 წელი

დაიბადა "ბარსელონას" ყოფილი შემტევი იბრაჰიმ აფელაი. 2010-2014 წლებში მან "ბლაუგრანას" მაისურით 35 თამაში ჩაატარა და 2 გოლი გაიტანა. აფელაიმ "ბარსელონაში" 2 ესპანეთის სუპერ თასი, 1 ჩემპიონთა ლიგა, 1 ესპანეთის ჩემპიონატი, 1 ევროპის სუპერ თასი, 1 მსოფლიოს საკლუბო ჩემპიონატი და 1 ესპანეთის თასი მოიგო.

1990 წელი

დაიბადა მირალემ პიანიჩი.

2014 წელი

არასრულწლოვან ფეხბურთელთა ტრანსფერების წესების დარღვევის გამო "ბარსელონას" ერთწლიანი სატრანსფერო ბანი დაადეს.

2016 წელი

"ბარსელონას" 39 მატჩიანი საშინაო წაუგებელი სერია "რეალ მადრიდთან" 1-2 მარცხით დასრულდა.

2017 წელი

"ბარსელონა ბ-მ" "ელდენსე" 12-0 გაანადგურა. მოგვიანებით "ელდენსეს" მწვრთნელი ფილიპო დი პიერო მატჩის ჩაწყობისთვის დააპატიმრეს.

2017 წელი

"გრანადასთან" სტუმრად ანგარიშით 4-1 მოგებულ შეხვედრაში ნეიმარმა "ბარსელონას" მაისურით თავისი მე-100 გოლი გაიტანა.