ჟან-კლერ ტოდიბო: საშინელი გრძნობაა, გადახვიდე "ბარსაში" და ვერ ითამაშო
L'equipe-სთან ინტერვიუში "ბარსელონადან" "ნიცაში" განათხოვრებულმა ჟან-კლერ ტოდიბომ საკუთარ გულის ტკივილზე და იმდგაცრუებაზე ისაუბრა.
ფრანგ მცველს "ბარსაში" თავის დამკვიდრება სურდა, რისი შანსიც მისი თქმით არ მიეცა.
"საშინელი გრძნობაა, გადახვიდე "ბარსელონაში" და ვერ ითამაშო. მირჩევნია "სედანის" ფორმა მეცვას და ვთამაშობდე, ვიდრე "ბარსაში" ვიყო და თამაშის საშუალება არ მეძლეოდეს. ამასთანავე "სედანში" ნაკლები წნეხის ქვეშაც ვარ."
"აბიდალმა მე პიკე ჩამნაცვლებლად ჩამთვალა, ორი მატჩში ვითამაშე კიდეც, მაგრამ შემდეგ ვალვერდემ განმიცხადა, რომ მეოთხე ცენტრალური მცველი ვიყავი, ამიტომ ჩემი შესაძლებლობები წინასასეზონო შეხვედრებისას უნდა დამემტკიცებინა. უმტიტი დაშავდა, მე ყველაფერს სწორად ვაკეთებდი, თუმცა შანსი მაინც არ მომეცა."
"არ ვითხოვ, რომ კლასიკოში მივიღო მონაწილეობა, მე მხოლოდ სათამაშო პრაქტიკა მსურს. მიუხედავად მათდამი პატივისცემისა, ვფიქრობ, რომ "ლეგანესის" წინააღმდეგ თამაშისთვის საკმარისი დონე მაქვს. 2 თვე ველოდი, რომ "ინტერთან" თამაშს შევძლებდი, მაგრამ მოულოდნელად განმიცხადეს, რომ გუნდი უნდა დამეტოვებინა."
ტოდიბო "ბარსამ" "ტულუზიდან" 1 მილიონად შეიძინა. ფრანგი განათხოვრებული იყო "შალკესა" და "ბენფიკაში", ამჟამად კი "ნიცაში" იმყოფება. Transfermarkt.com ცენტრალურ მცველს 12 მილიონ ევროდ აფასებს.
ამ სიახლეზე კომენტარები გათიშულია.
კომენტარები [ 11 ]