"ბარსელონას" ნეტუს გაყიდვა უნდა

"ბარსელონა" გუნდის მეორე მეკარის, ნეტუს გაშვებას აპირებს. ამის შესახებ ინფორმაციას Mundo Deportivo ავრცელებს.

კატალონიური წყაროს ცნობით, "ბარსას" სურს, 31 კარის დარაჯი გაყიდოს და ფსონი ინიაკი პენიასა და არნაუ ტენასზე დადოს, რომლებიც მარკ-ანდრე ტერ შტეგენის რეზერვისტები იქნებიან.

იმავე წყაროს ინფორმაციით, "ბლაუგრანას" ბრაზილიელი კიპერის დაახლოებით 10-12 მილიონ ევროდ გაყიდვა უნდა.

ნეტუ, ამჟამად, ტრავმირებულია. მან დაზიანება 3 დღის წინ მიიღო. ივარაუდება, რომ მის გამოჯანმრთელებას დაახლოებით 2-3 კვირა დასჭირდება.

აქვე დავძენთ, რომ ნეტუმ მიმდინარე სეზონში მონაწილეობა 11 თამაშში მიიღო. ბრაზილიელმა 8 გოლი გაუშვა, 5-ჯერ კი კარი მშრალად შეინახა.