ლიონელ მესი არგენტინის ნაკრების ახალი ფორმის გამოქვეყნებას ეხმაურება
ცოტა ხნის წინ არგენტინის ნაკრებმა ახალი საშინაო ფორმა გამოაქვეყნა, რომელიც, ტრადიციულად, ქვეყნის დროშის ფერებში - ცისფერ-თეთრადაა გადაწყვეტილი.
აღნიშნულ ფაქტს Instagram-ის მეშვეობით "ბარსელონასა" და არგენტინელთა ლიდერი, ლეო მესი ეხმაურება: "ეს ფერები გვაერთიანებს. წინ, არგენტინა!".
ახალი ფორმის წარდგენაში, ლეგენდარულ ფეხბურთელთან ერთად, მონაწილეობა პაულო დიბალამ, როდრიგო დე პაულმა, გოგონებმა - მარიანა ლაროკეტემ, მილაგროს მენენდესმა, ვანესა სანტანამ და ახალგაზრდა მოთამაშეებმა - ნიკოლას კაპალდომ და ხულიან ალვარესმა მიიღეს.
აღსანიშნავია, რომ ახალი მაისურის დიზაინი, რომელსაც პირველად არგენტინის 23-წლამდელთა გუნდი, ტოკიოს ოლიმპიური თამაშებისთვის მოსამზადებელ მატჩში, იაპონიის ნაკრებთან პარასკევს მოირგებს, გულშემატკივრებმა გააკრიტიკეს.
მიმდინარე წლის ზაფხულში, ეროვნულ გუნდთან ერთად, "ლა პულგა" კოპა ამერიკისთვის იბრძოლებს და ნაკრებში პირველი ტიტულის მოგებას შეეცდება.
ამ სიახლეზე კომენტარები გათიშულია.
კომენტარები [ 12 ]