ჟოან ლაპორტამ ლეო მესის დარჩენის თაობაზე ინაუგურაციისას მიმართა
დღეს, თბილისის დროით 21:00 საათიდან, კატალონიის "ბარსელონას" ახალი პრეზიდენტის, ჟოან ლაპორტას ინაუგურაცია მიმდინარეობდა, სადაც მან ლიონელ მესის ემოციურად მიმართა:
არსებულ სიტუაციას უნდა გავუმკლავდეთ. შევეცდებით, ლეო მესი დარჩენაში დავარწმუნოთ (იცინის). ბოდიში, ლეო... ისტორიაში საუკეთესო ფეხბურთელისთვის ყველაფერს გავაკეთებ. იცი, რომ მე მიყვარხარ და "ბარსასაც" უყვარხარ. არ შეგიძლია, დაგვტოვო.
აღსანიშნავია, რომ ამ დროს ლეგენდარულმა არგენტინელმა გაიღიმა და პრეზიდენტს პასუხი ამით გასცა, თავად ლაპორტამ კი აპლოდისმენტები დაიმსახურა.
არჩევნებამდე, პრეზიდენტობის კანდიდატები - ჟოან ლაპორტა, ვიქტორ ფონტი და ტონი ფრეიშა სკანდირებდნენ, რომ ლიონელ მესის კლუბში დატოვება პრიორიტეტული საკითხი იყო, თუმცა, შეიძლება ითქვას, თავის სიტყვაში ყველაზე დარწმუნებული სწორედ ჟოანი გახლდათ, რაც მან დღეს, ამ განცხადებითაც დაამტკიცა.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 14 ]