ერთი დღე "ბარსას" ისტორიაში - 17 მარტი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 17 მარტს მოხდა.

თამაშები

17 მარტს "ბარსელონას" 21-ჯერ უთამაშია. კატალონიელებმა 12 მატჩი მოიგეს, 4 ფრედ დაასრულეს და 5 წააგეს.

1901 წელი

მაკაიას თასის გასვლით შეხვედრაში "ბარსელონამ" "ტარაგონა" სტუმრად 18-0 დაამარცხა. ეს მოგება "ბლაუგრანასთვის" დღემდე სარეკორდოა.

1907 წელი

კატალონიის ჩემპიონატში "ბარსელონამ" X SC-თან 1-3 წააგო. მსაჯობა იმდენად საეჭვო და საკამათო იყო, რომ ამის გამო ტურნირი ფლეი ოფის ეტაპზე შეწყდა.

1931 წელი

"ბარსელონასა" და "ესპანიოლს" შორის გამართული დერბი 4-4 დასრულდა. "ბლაუგრანას" მხრიდან გოლები აროჩამ (3) და სასტრემ გაიტანეს.

1958 წელი

დაიბადა "ბარსელონას" მძლეოსნობის გუნდის ყოფილი წევრი (1980-1985) ხოსე მანუელ აბასკალი. 1984 წელს, ლოს ანჯელესის ოლიმპიურ თამაშებზე, 1500 მეტრზე სირბილში მან ბრინჯაოს მედალი მოიგო.

2012 წელი

ლეო მესი გახდა ყველაზე ახალგაზრდა ფეხბურთელი, რომელმაც ლა ლიგაში 150 გოლის გატანა მოახერხა.

"სევილიასთან" ანგარიშით 2-0 მოგებულ შეხვედრაში მე-2 გოლი ჩავიმ გაიტანა. ეს მისთვის სეზონში მე-13 გოლი იყო, რაც ჩავის კარიერაში საუკეთესო შედეგი გახდა. სეზონი ესპანელმა 14 გოლით დაასრულა, რაც ბოლომდე მის პირად რეკორდად დარჩა.

2013 წელი

"რაიო ვალიეკანოსთან" საშინაო მოგება (3-1) "ბარსელონასთვის" ლა ლიგაში 2600-ე თამაში გამოდგა.