იტალიაში გრიზმანისა და დიბალას შესაძლო ბარტერზე ალაპარაკდნენ
კატალონიის "ბარსელონამ" და ტურინის "იუვენტუსმა", შესაძლოა, ფეხბურთელები გაცვალონ. Corriere dello Sport-ის ინფორმაციით, საქმე ანტუან გრიზმანისა და პაულო დიბალას ბარტერს ეხება.
იტალიური წყაროს ცნობით, "იუვენტუსს" დიბალას გაყიდვა სურს და მისთვის ახალ კლუბს ეძებს. "ბიანკონერისთვის" არგენტინელი შემტევის შემცვლელად კარგი ვარიანტია ფრანგი თავდამსხმელი გრიზმანი, რაც იმას ნიშნავს, რომ ტურინელებმა "ბარსელონას", შესაძლოა, ფეხბურთელების გაცვლა შესთავაზოს.
იმავე წყაროს ინფორმაციით, გრიზმანი არაა ერთადერთი ფეხბურთელი, რომელშიც "იუვე" დიბალას გაცვლიდა. იტალიურ კლუბს "პარი სენ-ჟერმენის" შემტევის, მაურო იკარდის კანდიდატურაც იზიდავს.
ცნობისთვის, "ბარსელონასა" და "იუვენტუსისთვის" მოთამაშეების გაცვლა სიახლე არაა. გასულ ზაფხულში მათ უკვე განახორციელეს მირალემ პიანიჩისა და არტურის ბარტერი.
ამ სიახლეზე კომენტარები გათიშულია.
კომენტარები [ 18 ]