L'Equipe: ლეო მესი ოქროს ბურთის სამეულში ვერ ხვდება
ფრანგული L'Equipe-ის ინფორმაციით, "ბარსელონას" ლიდერი, ლიონელ მესი, 2021 წლის ოქროს ბურთის ფინალურ სამეულში არ იქნება. არგენტინელთან ერთად წლის საუკეთესო ფეხბურთელთა შორის ვერც კრიშტიანუ რონალდუ ხვდება, 2006 წლის შემდეგ კი ეს პირველი შემთხვევა იქნება, როცა დაჯილდოების ბოლო ეტაპი ორივე მათგანის გარეშე ჩატარდება.
წყაროს ცნობით ფინალისტები კილიან მბაპე, ერლინგ ჰოლანდი და რობერტ ლევანდოვსკი არიან, ფავორიტი კი ლევანდოვსკია. "ბაიერნის" ცენტრფორვარდი ოქროს ბურთის მოგების მთავარი კანდიდატი გასულ წელსაც იყო, მაგრამ პანდემიის გამო პრიზი არ გათამაშებულა.
Ballon d'Or-ის მოქმედ მფლობელს, ლიონელ მესის, ყველაზე პრესტიჟული ინდივიდუალური ჯილდო 6-ჯერ აქვს მოგებული, მეორე ადგილზე კი 5 ტიტულით კრიშტიანუ რონალდუა.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 15 ]