ლაპორტას პრიორიტეტი ილაიშ მორიბასთან კონტრაქტის გახანგრძლივებაა
"ბარსელონას" ახალმა პრეზიდენტმა ჟოან ლაპორტამ მისი პირველი სპორტული პრიორიტეტები უკვე განსაზღვრა.
Mundo Deportivo-ს ცნობით, ლაპორტას თადარიგში ლიონელ მესის, უსმან დემბელეს, სერჟი რობერტოსა და ოსკარ მინგესას საკონტრაქტო საკითხების მოგვარება დგას. ახალ პრეზიდენტის ერთ-ერთი პრიორიტეტი, ასევე, 18 წლის ტალანტთან, ილაიშ მორიბასთან ხელშეკრულების გახანგრძლივებაა.
კატალონიური წყაროს ცნობით, ჟოან ლაპორტა მორიბასთან კონტრაქტის გახანგრძლივებას ჩქარობს. ახალგაზრდა ნახევარმცველს მოქმედი ხელშეკრულების ვადა 2022 წლის ივნისში ეწურება. მისი გამოსასყიდი თანხა 100 მილიონი ევროა, რაც ევროპის წამყვან კლუბებს მოქმედებისკენ უბიძგებს.
მორიბა რონალდ კუმანის გუნდში ადგილს ნელ-ნელა იმკვიდრებს. ბოლო დროს ილაიში პირველ გუნდთან ერთად სულ უფრო და უფრო ხშირად ვარჯიშობს, ცოტა ხნის წინ კი მას "ოსასუნასთან" თამაშის შანსი მიეცა და ახალგაზრდა მოთამაშემ სადებიუტო გოლიც გაიტანა.
აქამდე გავრცელებული ინფორმაციით, ილაიშ მორიბათი "მანჩესტერ იუნაიტედი" და "ლაიფციგი" დაინტერესდნენ, ეს კი ნიჭიერ ფეხბურთელთან ახალი კონტრაქტის გაფორმების დაჩქარებას საფუძველს უყრის.
ამ სიახლეზე კომენტარები გათიშულია.
კომენტარები [ 11 ]