მესი და დე იონგი დისკვალიფიკაციის ზღვარზე
ფრენკი დე იონგსა და ლიონელ მესის ლა ლიგაში ერთმატჩიანი დისკვალიფიკაციის საფრთხე ემუქრებათ. ორივე ფეხბურთელს სეზონის დასაწყისიდან 4 ყვითელი ბარათი აქვს მიღებული, კიდევ ერთი გაფრთხილების შემდეგ კი შეხვედრას გამოტოვებენ.
ხვალ "ბარსელონა" "ოსასუნას" დაუპირისპირდება, დისკვალიფიკაციის ამ მატჩში მიღება კი რონალდ კუმანის შეგირდებისთვის დიდ პრობლემას ნამდვილად არ შექმნის - მომდევნო მატჩი ჩემპიონატის აუტსაიდერ "უესკასთანაა" გასამართი, ამ გუნდის დამარცხება კი კატალონიელებმა, წესით, ლიდერების გარეშეც უნდა შეძლონ.
თუ დისკვალიფიკაცია "გადაიდება", შესაძლოა, "ბარსა" უფრო რთულ სიტუაციაში აღმოჩნდეს. "ბლაუგრანას" მეტოქე "უესკას" შემდეგ "ვალიადოლიდი" და "სოსიედადი", შემდეგ კი მადრიდის "რეალი" იქნება, "ელ კლასიკოს" ასეთი დანაკლისით ჩატარება კი მიზანშეწონილი ნამდვილად არაა.
ამ სიახლეზე კომენტარები გათიშულია.
კომენტარები [ 12 ]