ერთი დღე "ბარსას" ისტორიაში - 3 მარტი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 3 მარტს მოხდა.

თამაშები

3 მარტს "ბარსელონას" 21-ჯერ უთამაშია. კატალონიელებმა 14 მატჩი მოიგეს, 3 ფრედ დაასრულეს და 4 წააგეს.

1900 წელი

"ბარსელონამ" პირველი ფოტოსურათი გადაიღო.

1913 წელი

დაიბადა "ბარსელონას" ყოფილი მეკარე (1939-43) და მწვრთნელი (1961) ლუის მირო. ფეხბურთელობის დროს "ბლაუგრანას" მაისურით მან 65 თამაში ჩაატარა.

1946 წელი

"ლეს კორტსზე" გამართულ შეხვედრაში "ბარსელონამ" "რეალ მადრიდი" სესარის ერთადერთი გოლით დაამარცხა.

1957 წელი

"ბარსელონამ" მადრიდში "რეალ მადრიდთან" 0-1 წააგო.

1979 წელი

დაიბადა "ბარსელონას" ყოფილი მეკარე (2003-2009) ალბერ ჟორკერა. კატალონიურ კლუბში მან 30 თამაში ჩაატარა.

1980 წელი

კლუბის წევრების ისტორიულ ასამბლეაზე დელეგატები შეთანხმდნენ, რომ "კამპ ნოუზე" ტევადობა 110 901 გულშემატკივრამდე გაეზარდათ.

2001 წელი

"სანტიაგო ბერნაბეუზე" გამართული "ელ კლასიკო" 2-2 დასრულდა. გუნდებიდან 2-2 გოლი რაულმა და რივალდომ გაიტანეს.

2005 წელი

გარდაიცვალა "ტოტალური ფეხბურთის" ფუძემდებელი, "ბარსელონას" ყოფილი მწვრთნელი (1971-75, 1976-78) რინუს მიხელსი.

2016 წელი

"ბარსელონამ" "რაიო ვალიეკანო" 5-1 გაანადგურა და ყველა ტურნირზე ზედიზედ 35-ე წაუგებელი თამაში ჩაატარა.