ნელსონ სემედუ: მესის ჯარიმის შესრულებაზე ერთხელაც კი არ უვარჯიშია
"ბარსელონას" ყოფილი მარჯვენა მცველი, ნელსონ სემედუ, The Telegraph-თან ინტერვიუში, ლიონელ მესის შესახებ საუბრობს.
პორტუგალიელის თქმით, ლეოს ჯარიმების შესრულებაზე არასდროს უვარჯიშია.
არც კი ვიცი, როგორ გადმოვცე თუ რამდენად კარგი ფეხბურთელია იგი. იცით, რა ხდის მას კიდევ უფრო საოცარს? ვარჯიშზე ერთხელაც კი არ მინახავს, ლეოს ჯარიმა დაერტყას, 3 წლის განმავლობაში, გეფიცებით, ეს არასდროს უცდია.
შორეულ დარტყმებზე ყოველთვის ვვარჯიშობდით, მაგრამ მესი ჯარიმას არასდროს ასრულებდა, ეს, უბრალოდ, თანდაყოლილი ტალანტია.
ამბობენ, რომ ვარჯიში ხდის საუკეთესოს, თუმცა მას ამაზე არასდროს უვარჯიშია, თუმცა მაინც საუკეთესო იყო.
"ბარსას" მაისურით ჩემს ერთ-ერთი პირველ მატჩში ლეომ ბურთი მიიღო, გასცდა სამ ფეხბურთელს, ოთხს, ხუთს. მე კი ვუყურებდი და ვფიქრობდი - "ამას როგორ აკეთებს?". მის გვერდით კარგი ფეხბურთელები უბრალო მოთამაშეებს ჰგვანან.
- ამბობს იგი.
გასულ ზაფხულში, სემედუ "ვულვერჰემპტონის" რიგებს შეუერთდა. ტრანსფერმა "ბარსას" 30 მილიონი ევროს შემოსავალი მოუტანა.
ამ სიახლეზე კომენტარები გათიშულია.
კომენტარები [ 7 ]