"ბარსელონას" ოფიციალური განცხადება კლუბის ოფისში მიმდინარე ჩხრეკასთან დაკავშირებით
რამდენიმე წუთის წინ "ბარსელონამ" ოფიციალური განცხადება გაავრცელა.
დღეს დილით, "კამპ ნოუს" ოფისში სასამართლოს დადგენილებით შემოსვლამდე და ჩხრეკის დაწყებამდე, "ბარსელონამ" სამართალდამცავებს, სოციალური ქსელების მართვისთვის კომპანიების დაქირავებასთან დაკავშირებით მიმდინარე გამოძიებაზე თანამშრომლობა და დახმარება შესთავაზა.
პოლიციის მიერ მოთხოვნილი დოკუმენტაცია მხოლოდ ამ საკითხს ეხებოდა.
"ბარსელონა" პატივისცემას გამოხატავს როგორც მიმდინარე სამართლებრივი პროცესის, ასევე საქმის ფიგურანტი პირების უდანაშაულობის პრეზუმფციის მიმართ.
დღეს ცნობილი გახდა, რომ პოლიციამ "ბარსელონას" ყოფილი პრეზიდენტი ჟოზეპ მარია ბართომეუ დააკავა.
როგორც ამ განცხადებიდან ირკვევა, გამოძიება "ბარსელონას" მიერ სოციალური ქსელების მართვისთვის კომპანიების დაქირავების საკითხს ეხება. დაახლოებით ერთი წლის წინ გავრცელდა ინფორმაცია, რომ ბართომეუს გუნდს დაქირავებული ჰყავდა კომპანიები, რომლებიც "ბარსას" ლეგენდებისა და ამჟამინდელი ლიდერების სოციალურ ქსელებში "გაშავებაზე" მუშაობდნენ.
ამ სიახლეზე კომენტარები გათიშულია.
კომენტარები [ 13 ]