პედრი და დე იონგი - ლა ლიგის მასტერები

პედრი და დე იონგი - ლა ლიგის მასტერები

ფრენკი დე იონგი და პედრი რონალდ კუმანის 4-3-3 სქემას შესანიშნავად მოერგნენ და მნიშვნელოვანი როლი მიიღეს. ორივეს ანგარიშზე ლა ლიგის მიმდინარე სეზონში 23-23 მატჩია.

"ელჩესთან" დღეს გასამართ შეხვედრაში ნიდერლანდელ ნახევარმცველს შეუძლია, პრიმერა დივიზიონში, მოედანზე გატარებულ 2 000-წუთიან ნიშნულს მიაღწიოს (ამჟამად მის აქტივში 1941 წუთია). ამ დროის განმავლობაში ფრენკიმ 3 გოლი და ამდენივე ასისტი მიითვალა.

დე იონგს 23 დაპირისპირებიდან სრულად მხოლოდ 5 მატჩში არ უთამაშია, ყველაზე ნაკლები დრო (1 ტაიმი) კი "ვალენსიასთან" (2-2) დაჰყო. ჯამში, ახალგაზრდა ფეხბურთელმა ჩემპიონატში მხოლოდ 217 წუთი გამოტოვა.

"ბარსას" ნიდერლანდელმა შუახაზელმა ნახევარდაცვის ყველა პოზიციაზე იასპარეზა და, ასევე, დაცვის ცენტრში თამაშიც მოუწია. მაგალითად, "მენდისოროსაზე", "ალავესის" წინააღმდეგ (1-1).

რაც შეეხება პედრის, მის მიერ მოედანზე დაყოფილი წუთები დე იონგზე საგრძნობლად ნაკლებია (1425), მაგრამ ნიდერლანდელი თანაგუნდელის მსგავსად, მას 1 მატჩიც კი არ გამოუტოვებია.

კანარელმა მოთამაშემ საფეხბურთო სამყარო საკუთარი თავდაჯერებით გააკვირვა, რაც ამ ასაკში ხშირი ნამდვილად არაა. კატალონიელთა ტალანტს თავდაცვითი ფუნქციების შესრულებაც შეუძლია, მისი სტილის ფეხბურთელებს კი, როგორც წესი, ამ ასპექტში აქტიურობა არ ახასიათებთ.

18 წლის ფეხბურთელის გავლენა იმდენად დიდია, რომ, ყველა ტურნირის ეგიდით, მან "ბლაუგრანას" მხოლოდ ერთი შეხვედრა გამოტოვა - ბუდაპეშტში, "ფერენცვაროშის" წინააღმდეგ (3-0).

დე იონგი (23 წლის) და პედრი (18 წლის) "ბარსელონას" ახალ თაობას წარმოადგენენ და მომავალშიც კლუბი მათ დიდწილად დაეყრდნობა.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 5 ]

    ინფორმაცია
    ამ სიახლეზე კომენტარები გათიშულია.
    საიტის ლეგენდა  [?]
    #5 24 თებერვალი 2021 22:20
    0
    ლეოს მაინც პედრი უგებს უკეთ.
    საიტის ლეგენდა  [?]
    #4 24 თებერვალი 2021 20:20
    0
    დღეს ორივემ უნდა დაისვენოს
    --------------------
    91/92 05/06 08/09 10/11 14/15 to be continued
    Culé [?]
    #3 24 თებერვალი 2021 19:21
    0
    ორივე მეიმედება ძალიან, იქნებ პუცსაც გამოუნახოს დრო, მათია სამომავლოდ ცენტრი, თუ მორიბაც კარგი გამოდგა პედრი ცოტა წინ აიწევს 😁 ნეტავ სულ ასეთი „პრობლემები” ქონდეს გუნდს
    გულშემატკივარი [?]
    #2 24 თებერვალი 2021 19:00
    0
    პედრი დეიონგი პუჩის ტრიოს გვაღირსებს კუმანი?!🤔
    საიტის ლეგენდა  [?]
    #1 24 თებერვალი 2021 18:18
    2
    პედრი რა კარგად შეეწყო ლეოს, რა პასებს უკეთებს ქუსლით ისე რომ არც იყურება უკან თითქოს რაღაც სხვა გრძნობით არის დაკავშირებული.