რონალდ კუმანის 19 წარუმატებელი მცდელობა 36 შეხვედრაში

"ბარსელონას" მთავარმა მწვრთნელმა, რონალდ კუმანმა, მიმდინარე სეზონში 36 შეხვედრაში 19 სხვადასხვა დაცვითი კომბინაცია გამოიყენა, ამის მიზეზი კი ძირითადად ტრავმები და ფეხბურთელების ცუდი ფორმა იყო, იტყობინება Mundo Deportivo-ს ჟურნალისტი, გაბრიელ სანსი.

მიუხედავად ამ რაოდენობის განსხვავებული ვარიაციისა, დაცვის ხაზმა გაუმჯობესების ნიშნები ვერ გვაჩვენა. "ბარსელონა" ამჟამად მეოთხე ადგილს იკავებს ლა ლიგაში, გუნდი მძიმედ დამარცხდა ჩემპიონთა ლიგის პლეი-ოფის პირველ შეხვედრაში, კატალონიელებმა წააგეს ესპანეთის სუპერ თასი და ესპანეთის თასის ნახევარფინალის პირველი შეხვედრა.