"ელჩესთან" მატჩის შემადგენლობის 3 ვარიანტი - ლანგლე სათადარიგოზე?

"ბარსელონა" ხვალ ლა ლიგაში მორიგ თამაშს ჩაატარებს. "კადისთან" ფრედ დასრულებული მატჩის (1-1) შემდეგ, რონალდ კუმანის გუნდისთვის "ელჩეს" დამარცხება და 3 ქულის მოპოვება უმნიშვნელოვანესი ამოცანა იქნება.

Tribuna ხვალინდელი შეხვედრის შემადგენლობის 3 სავარაუდო ვარიანტს წარმოგვიდგენს:

ვარიანტი 1

შემადგენლობა: ტერ შტეგენი - დესტი, პიკე, უმტიტი, ალბა - პიანიჩი, დე იონგი, პედრი - ტრინკაუ, მესი, დემბელე.

• "კადისთან" დაშვებული უხეში შეცდომის გამო, კლემან ლანგლემ "ელჩესთან" მატჩში, შესაძლოა, სათადარიგოთა სკამზე გადაინაცვლოს, მისი ადგილი კი სამუელ უმტიტიმ დაიკავოს.
• "სევილიასთან" მომდევნო მნიშვნელოვანი მატჩების გამო, კუმანმა, შესაძლოა, სერჟიო ბუსკეტსის სასტარტოში დაყენებაზე უარი თქვას და მის ნაცვლად ძირითადში მირალემ პიანიჩი ვიხილოთ.
• ასევე, ივარაუდება, რომ ნიდერლანდელი სპეციალისტი დასვენების საშუალებას მისცემს ანტუან გრიზმანსაც და არჩევანს ფრანსიშკუ ტრინკაუზე შეაჩერებს.

ვარიანტი 2

შემადგენლობა: ტერ შტეგენი - მინგესა, პიკე, ლანგლე, ალბა - ბუსკეტსი, დე იონგი, პუჩი - დემბელე, მესი, გრიზმანი.

• არაა გამორიცხული, რომ კუმანი ლანგლეს კიდევ ერთხელ ენდოს და ფრანგი მცველი "ელჩესთან" თამაშის ძირითად შემადგენლობაში ვიხილოთ.
• თუ დესტი ჯერ 100%-ით მზად არაა, იგი დაცვის მარჯვენა ფლანგზე, შესაძლოა, ოსკარ მინგესამ შეცვალოს.
• პედრიმ, რომელიც რეგურალურად სასტარტოში თამაშობს, შესაძლოა, დაისვენოს და მის ადგილი რიკი პუჩმა დაიკავოს.

ვარიანტი 3

შემადგენლობა: ტერ შტეგენი - დესტი, მინგესა, პიკე, ფირპო - დე იონგი, პუჩი, პედრი - დემბელე, მესი, გრიზმანი.

• განვიხილოთ იმის ალბათობაც, რომ კუმანი ნახევარდაცვას პუჩი-დე იონგი-პედრის ტრიოს ანდობს.
• ლანგლესა და უმტიტის ბოლოდროინდელი არასახარბიელო თამაშოს გამო, დაცვის ცენტრში, შესაძლოა, მინგესა და პიკე ვიხილოთ, ფლანგებზე კი - დესტი და ჟუნიორ ფირპო. შემადგენლობის ეს ვარიანტი, ალბათ, ყველაზე ნაკლებად სავარაუდოა.

თამაში ხვალ თბილისის დროით 22:00 საათზე გაიმართება.