ჟერარ პიკე "პარი სენ-ჟერმენთან" თამაშის იმედს არ კარგავს
"ბარსელონას" ცენტრალური მცველი ჟერარ პიკე ყველაფერს აკეთებს იმისათვის, რომ სამშაბათს ჩემპიონთა ლიგის 1/8-ფინალის პირველ მატჩში "პარი სენ-ჟერმენის" წინააღმდეგ ითამაშოს.
პიკემ მძიმე ტრავმა თითქმის 3 თვის წინ მადრიდის "ატლეტიკოსთან" შეხვედრაში მიიღო. 34 წლის უკანახაზელი სწრაფად გამოსაჯანმრთელებლად თავდაუზოგავად მუშაობს, თუმცა იგი, ჯერჯერობით, გუნდთან ერთად ვარჯიშს ვერ ახერხებს.
Mundo Deportivo-ს ინფორმაციით, პიკემ დღეს დილით კვლავ განცალკევებით ივარჯიშა. მან სპეციფიკური სამუშაოები შეასრულა. ჟერარი ცდილობს, რომ მან ხვალ თანაგუნდელებთან ერთად ივარჯიშოს.
"ბლაუგრანა" პსჟ-სთან შეხვედრამდე 2-ჯერ ივარჯიშებს. თუ ესპანელი ფეხბურთელი ხვალ გუნდთან ერთად ივარჯიშებს, მისი სამშაბათს თამაშის შანსები გაიზრდება.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 11 ]