"ბარსელონას" მოთამაშეები გულშემატკივრებს ჩინურ ახალ წელს ულოცავენ

"ბარსელონას" ოფიციალურ Youtube არხზე მორიგი ვიდეო გავრცელდა, სადაც კლუბის მოთამაშეები: სერჟინიო დესტი, პედრი, მარკ-ანდრე ტერ შტეგენი, ფრენკი დე იონგი და ფილიპე კოუტინიო, გულშემატკივრებს ჩინურ ახალ წელს ულოცავენ. 

ჩინური ახალი წელი არის დღესასწაული, რომელიც გაზაფხულის ფესტივალის სახელითაცაა ცნობილი და მას სამხრეთ-აღმოსავლეთ აზიაში აღნიშნავენ. შესაბამისად, ეს მილოცვა, განსაკუთრებით, სწორედ ამ ქვეყნების წარმომადგენლებისთვის იყო განკუთვნილი.