ანხელ კორეა: მესისთვის "ატლეტიკოს" კარი ღიაა
მადრიდის "ატლეტიკოს" არგენტინელმა შემტევმა, ანხელ კორეამ თავისი თანამემამულის, ლიონელ მესის "ბარსელონადან" შესაძლო წასვლაზე კომენტარი გააკეთა.
მას უკვე უთხრეს და მან იცის, რომ აქ კარი ღიაა. ვინ არ ისურვებდა გუნდში მესის ყოლას? ეს, შესაძლოა, ლა ლიგისთვის დიდი დანაკარგი იყოს. ის კვლავ საუკეთესოა და ყოველთვის ასე იქნება. რაც მან გააკეთა კარიერის განმავლობაში, არ ვიცი, ვიხილავთ თუ არა ამას კვლავ ოდესმე.
კორეამ ასევე ლუის სუარესის "ბარსელოადან" "ატლეტიკოში" ტრანსფერზეც ისაუბრა.
"ბარსელონა" არასწორად მოიქცა. პირველ რიგში, როგორ გაუშვეს მათ ცხრიანი, რომელიც მატჩებს იგებდა? ჩვენ ბედნიერები ვართ, ვინაიდან ის ახლა ჩვენთანაა.
ის წარმოუდგენელი თავდამსხმელია. როგორც ჩანს, ის ყოველ მიღებულ ნახევარ შანსს იყენებს და გააქვს. ის ასევე გუნდური მოთამაშეა, არამხოლოდ თავდამსხმელი, რომელსაც გოლების გატანა უნდა. ის ტაქტიკურად ძალიან კარგად მუშაობს და გუნდს ძალიან ეხმარება.
- ციტირებს ანხელ კორეას TyC Sports.
ამ სიახლეზე კომენტარები გათიშულია.
კომენტარები [ 7 ]