რონალდ კუმანი მატჩის შემდეგ
კატალონიის "ბარსელონა" ცოტა ხნის წინ "ელჩეს" დაუპირისპირდა და ანგარიშით, 2-0 სძლია. შეხვედრის შემდეგ გუნდის მთავარი მწვრთნელი, რონალდ კუმანი მედიასთან საუბრობს:
მატჩის სტარტიდანვე ძალიან კონცენტრირებული გუნდი ვიხილე, რომელიც ბურთის ფლობაში დომინირებდა. მართალია, რომ მეტოქე თავს კარგად იცავდა, მაგრამ დღევანდელი გამარჯვების მთავარი ფაქტორი ბურთის გარეშე მოძრაობა იყო.
რა თქმა უნდა, პუჩის გოლი მომეწონა. სათამაშო დროის დეფიციტის მიუხედავად, როცა მოედანზეა, თამაშით ყოველთვის სიამოვნებას იღებს და აჩვენებს, რომ შეუძლია ამ კლუბის მომავალი იყოს. ამ გოლმა მატჩის ბედი გადაწყვიტა, რაც უმნიშვნელოვანესი იყო.
შეხვედრის განმავლობაში 10-15-წუთიანი მონაკვეთი ვიხილეთ, როცა "ბარსამ" ზეწოლა შეამცირა და დაცვაში დიდი შეცდომა დაუშვა. კარგია, რომ შესანიშნავი მეკარე გვყავს, რომელმაც ეს გამოასწორა. წინააღმდეგ შემთხვევაში, "ელჩე" წონასწორობას აღადგენდა.
მომწონს, რომ პუჩი არ ნებდება. იმ მოთამაშეებმა, რომელთაც ბევრი სათამაშო დრო არ აქვთ, უნდა აჩვენონ, რომ ამას იმსახურებენ.
ჩვენი ნახევარდაცვა დე იონგთან, პედრისთან და ბუსკეტსთან ერთად საუცხოოდ გამოიყურება. გუნდი გაუმჯობესდა. ასევე, გვყავს პიანიჩი და პუჩი, რომლებიც საკმაოდ გვეხმარებიან.
ვფიქრობ, რთული პერიოდი გვიდგას და მოკლე მონაკვეთში ბევრი მატჩის ჩატარება გვიწევს. ყოველ 3 დღეში თამაში და ისეთი გუნდების წინააღმდეგ გამოსვლა, რომლებსაც მოსამზადებლად მთელი კვირა აქვთ, რთულია.
მათთვის გოლის გატანა პრობლემას წარმოადგენს, რადგან უკანახაზში ბევრი ფეხბურთელი ჰყავთ. მაგრამ, მოთმინებას ვინარჩუნებთ და პრესინგს მივმართავთ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
1 2
კომენტარები [ 23 ]