ელჩე-ბარსელონა: მატჩისწინა მიმოხილვა

ელჩე-ბარსელონა: მატჩისწინა მიმოხილვა

დღეს, ლა ლიგის მე-20 ტურში, "ბარსელონა" "ელჩეს" ესტუმრება.

ამ შეხვედრით "ბარსასთვის" ესპანეთის ჩემპიონატის მეორე წრე იხსნება, თუმცა, აღსანიშნავია, რომ გუნდს "ელჩესთან" გასამართი პირველი წრის მატჩი არ ჩაუტარებია. ჩემპიონთა ლიგის ფლეი-ოფში მონაწილეობის გამო, პრესეზონის გახანგრძლივების მიზნით, "ბარსამ" ლა ლიგის პირველი 2 ტური გამოტოვა. გადადებული მატჩის ჩატარება 24 თებერვალს არის დაგეგმილი.

სათამაშო ფორმა

კატალონიელები ამ შეხვედრას არცთუ ისე პოზიტიური განწყობით ხვდებიან. ესპანეთის სუპერ თასზე ბევრი რამ იყო დამოკიდებული. ამ ტურნირის მოპოვებას ფეხბურთელთათვის თავდაჯერებულობისა და წარმატების რწმენის დაბრუნება შეეძლო, თუმცა ყველაფერი პირიქით მოხდა - ორი დამატებითი დრო, წაგებული ფინალი და მესის პირველი წითელი ბარათი.

ამას მოჰყვა "კორნელიასთან" ნათამაშები მორიგი ექსტრა ტაიმი და წვალებით მოპოვებული მოგება, თანაც ისე, რომ გუნდის ლიდერების ბოლომდე დასვენებაც არ გამოვიდა. მოკლედ, გასული კვირა ყველაზე საშინელი სცენარით წარიმართა, რომლის მოფიქრებაც ადამიანს შეეძლო. ამაზე უარესი მხოლოდ "კორნელიასთან" ვერმოგება იქნებოდა.

წესით, კაპიტნის არყოფნისა და ემოციური ფონის გამო, დღევანდელი მატჩი რთული უნდა გამოდგეს, თუმცა გუნდის არასტაბილური ხასიათის გათვალისწინებით, ყველაფერი შეიძლება მოხდეს.  

მეტოქე

6-წლიანი პაუზის შემდეგ, "ელჩე" ლა ლიგას დაუბრუნდა. შარშან, გუნდმა უმაღლესი ლიგის საგზური დრამატულ ბრძოლაში მოიპოვა. სეგუნდას ფლეი-ოფში გასვლა გუნდმა ბოლო ტურში მოახერხა, შემდეგ კი ნახევარფინალური და ფინალური დაპირისპირებები მატჩის მიწურულს გატანილი გოლებით მოიგო.

მიმდინარე სეზონში "ელჩე", როგორც ყოველთვის, პრიმერა დივიზიონში ადგილის შენარჩუნებისთვის იბრძვის. ამჟამად, გუნდი 17 ქულით, მე-18 პოზიციას იკავებს. ვალენსიურ კლუბს, კონკურენტებთან შედარებით, 2 მატჩით ნაკლები აქვს ჩატარებული, თუმცა ეს ფაქტი ოპტიმიზმის საფუძველს არ იძლევა, ვინაიდან გამოტოვებული შეხვედრები "ელჩეს" გასვლაზე, "ბარსასთან" და "სევილიასთან", ელის.

ლა ლიგის მიმდინარე გათამაშება "ელჩემ" წარმატებით დაიწყო. საწყისი 5 შეხვედრიდან 3 მოიგო და 1 ფრედ დაასრულა, მაგრამ, 23 ოქტომბრის შემდეგ, გუნდს თამაში არ მოუგია და 12-მატჩიანი მოუგებელი სერია აქვს. ამ პერიოდში ხორხე ალმირონის გუნდმა მხოლოდ 7 ქულის მოპოვება შეძლო. 

მწვრთნელები მატჩის წინ

რონალდ კუმანი:

ბოლო 3 შეხვედრაში დამატებითი დრო ვითამაშეთ. "ელჩესთან", ზედიზედ მე-7 გასვლით მატჩს ჩავატარებთ. გვინდა, რომ ფეხბურთელები დაგვიბრუნდნენ. სიახლეები გვჭირდება.

თამაშისთვის უნდა მოვემზადოთ და ძლიერი მენტალიტეტის მქონე სასტარტო შემადგენლობა გამოვიყვანოთ.

ხორხე ალმირონი:

მათ მოკლე პერიოდში ბევრი ითამაშეს. მესის გარეშე, "ბარსა" უფრო სტრუქტურულად, თუმცა მსოფლიოს საუკეთესო ფეხბურთელის მაგიის გარეშე, თამაშობს. ვისურვებდი, რომ მესი მოედანზე ყოფილიყო. იგი ამოუცნობი ფეხბურთელია.

დანაკლისი

"ბარსელონას" ტრავმის გამო ვერ დაეხმარებიან ანსუ ფატი, ჟერარ პიკე, სერჟი რობერტო და ფილიპე კოუტინიო. მთავარი დანაკლისი, რა თქმა უნდა, ლიონელ მესია, რომელიც 2-მატჩიან დისკვალიფიკაციას დღეს მოიხდის. არგენტინელის დაბრუნება ლა ლიგაში, "კამპ ნოუზე", "ბილბაოსა" და ასიერ ვილიალიბრეს წინააღმდეგ შედგება.

მცირე დაზიანების შემდეგ, გამოჯანმრთელდა სერჟინიო დესტი, თუმცა რონალდ კუმანის თქმით, ჯერჯერობით, გადაწყვეტილი არ არის, ითამაშებს თუ არა ამერიკელი.

რაც შეეხება "ელჩეს", მათ, ტრავმის გამო, არ ეყოლებათ ფიდელ ჩავესი და გვიდო კარილიო. ასევე, საეჭვოა ხონი ალამოს თამაში.

ურთიერთშეხვედრები

"ბლაუგრანას", "ელჩეს" წინააღმდეგ, 49 შეხვედრა აქვს ჩატარებული (42 ლა ლიგა, 7 ესპანეთის თასი), რომელთაგანაც 28 კატალონიელთა გამარჯვებით დასრულდა, 12 - ფრედ, 9-ში კი მოგება მეტოქეს დარჩა. ბურთების შეფარდება 97-38. 

21-ე საუკუნეში, "ელჩეს" პრიმერაში მხოლოდ ორი სეზონი აქვს გატარებული (2013/14 და 2014/15). ამ პერიოდში გამართული 6 მატჩიდან "ბარსამ" 5 მოიგო, 1 კი ფრედ დასრულდა. ბურთების შეფარდება 22-0.

ამ გუნდების პირველი დაპირისპირება, რომელიც 1959 წლის 20 სექტემბერს შედგა, "ბარსელონამ", ანგარიშით 1-2, დათმო. "ბარსას" მხრიდან, გოლის ავტორი ლუის სუარეს მირამონტესი გახდა.

საინტერესო სტატისტიკა

  • "ელჩემ" "ბარსას" კარში გოლი ბოლოს 1978 წლის 24 აპრილს გაიტანა.
  • "ბარსამ" "ელჩეს" წინააღმდეგ ყველაზე დიდი ანგარიშით 1963 წელს, ესპანეთის თასის 1/8 ფინალის პირველ შეხვედრაში, წააგო, 1-4. განმეორებით მატჩში კატალონიელებმა 4-1 იმარჯვეს და გადათამაშება დაინიშნა, რომელიც, კვლავ, "ბარსას" გამარჯვებით დასრულდა.
  • "ბარსამ" "ელჩე" ყველაზე დიდი ანგარიშით ამ გუნდებს შორის ბოლოს ჩატარებულ ბოლო მატჩში დაამარცხა, 6-0. მაშინ, გოლები ნეიმარმა (2), მესიმ (2), პიკემ და პედრომ გაიტანეს.
  • "ელჩეს" საშინაო არენა 1976 წელს გაიხსნა. "ესტადიო მანუელ მარტინეს ვალეროზე" "ბარსას" 7-ჯერ უთამაშია (4 მოგება, 3 ფრე, ბურთების შეფარდება 16-1).
  • იმ ფეხბურთელებს შორის, რომლებიც ხვალ მოედანზე იქნებიან, "ელჩეს" კარში გოლი მხოლოდ ანტუან გრიზმანსა (5) და ჟორდი ალბას აქვთ გატანილი.
  • ბოლო 9 საშინაო მატჩიდან, "ელჩემ" მხოლოდ 2 არ წააგო ("რეალი", "ოსასუნა").
  • "ბარსას" ლა ლიგის გასვლით შეხვედრებში 4-მატჩიანი მოგებათა სერია აქვს.
  • მთავარი მწვრთნელის ჩათვლით, "ელჩეში" 7 არგენტინელი ლეგიონერი ირიცხება.
  • "ელჩეს" 40 წლის შემტევი, ნინო, გუნდის რიგებში ჩატარებული მატჩებისა და გატანილი გოლების რაოდენობით კლუბის რეკორდსმენია. მის ანგარიშზე 467 შეხვედრა და 135 გოლია.

არბიტრი

დღევანდელ მატჩს 39 წლის არბიტრი, ვალენტინ პისარო გომესი, გაუძღვება.

"ბარსელონას" შეხვედრაში გომესს მხოლოდ ერთხელ მიუღია მონაწილეობა. ერთი წლის წინ კატალონიელებმა "გრანადას" უმასპინძლეს. კიკე სეტიენის სადებიუტო შეხვედრა "ბლაუგრანამ" 1-0 მოიგო. 69-ე წუთზე, როდესაც ანგარიში ჯერ გახსნილი არ იყო, არბიტრმა "გრანადას" ფეხბურთელი მოდენიდან გააძევა.

"ელჩეს" შეხვედრაში ვალენტინ პისაროს 6-ჯერ უმსაჯია და ექვსივეჯერ მე-2 დივიზიონში. ალიკანტელებს მოგება არ აქვთ. 3 მატჩი ფრედ დასრულდა, 3 კი მეტოქემ მოიგო. ამ 6 მატჩში გომესმა 3 წითელი ბარათი აჩვენა (1 "ელჩეს", 2 მეტოქეს) და 2 თერთმეტმეტრიანი დანიშნა (1 "ელჩეს" სასარგებლოდ, 1 მეტოქის).

სავარაუდო შემადგენლობები

WhoScored: 

"ბარსელონა" | 4-3-3

ტერ შტეგენი - დესტი, არაუხო, ლანგლე, ალბა - პედრი, ბუსკეტსი, დე იონგი - გრიზმანი, ბრეითუეიტი, დემბელე

"ელჩე" | 3-4-3

ბადია - ხოსემა, ვერდუ, გონსალესი - ბარაგანი, მარკონე, გუტი, მოხიკა - ხოსანი, ბოიე, მილია.

SofaScore:

"ბარსელონა" | 4-3-3

ტერ შტეგენი - მინგესა, არაუხო, ლანგლე, ალბა - პედრი, ბუსკეტსი, დე იონგი - გრიზმანი, ბრეითუეიტი, დემბელე

"ელჩე" | 4-1-4-1

ბადია - ბარაგანი, ხოსემა, ვერდუ, მოხიკა - მარკონე - ხოსანი, მილია, გუტი, რიგონი - ბოიე 

Marca:

"ბარსელონა" | 4-2-3-1

ტერ შტეგენი - მინგესა, არაუხო, ლანგლე, ალბა - ბუსკეტსი, დე იონგი - გრიზმანი, პედრი, დემბელე, ბრეითუეიტი

"ელჩე" | 4-1-4-1

ბადია - ბარაგანი, ვერდუ, ხოსემა, მოხიკა - მარკონე - ხოსანი, გუტი, მილია, რიგონი - ბოიე

Sport:

პროგნოზი

WhoScored: "ელჩე" 1-2 "ბარსელონა"

Squawka:

SportsMole: "ელჩე" 1-2 "ბარსელონა"

ტრანსლაცია

მატჩი, თბილისის დროით 19 საათსა და 15 წუთზე, დაიწყება. მის პირდაპირ რეპორტაჟს Silk უნივერსალი და silksport.ge შემოგთავაზებთ.

  • ტეგები
    გაწევრიანდი "ბარსელონას" გულშემატკივრების Facebook ჯგუფში

    კომენტარები [ 8 ]

    ინფორმაცია
    ამ სიახლეზე კომენტარები გათიშულია.
    Culé [?]
    #8 24 იანვარი 2021 17:36
    0
    გრიზი-ბრეიტი-დემბო
    ფრენკი-პედრი
    ბუსკეცი
    ალბა-ლენგლე-არაუხო-მინგეზა
    ტერ შტეგენი
    ფანი [?]
    #7 24 იანვარი 2021 15:47
    1
    მინგესა ლენგლე უმტიტი ფირპო დაცვაში დესტმა ერთი თამაში გამოტოვოს არაუხოს მაგრად უბრახუნეს 2 თამაშია და ისედაც ჯანზე კია მარა ახალგაზრდაა და მაგის ტრამვა ან გადაზვა კატასტროფა იქნება და ალბაც რავიცი ბარემ მაგანაც დაისვენოს
    ფანი [?]
    #6 24 იანვარი 2021 14:23
    0
    მოგებით მოვიგებთ მაგრამ ეჭვი მეპარება კორნელიასთან დამატებით დროში წვალებით მოგებული თამაშის შემდეგ იოლად შევძლოთ მოგება ელჩესთანაც.
    საიტის ლეგენდა  [?]
    #5 24 იანვარი 2021 12:54
    2
    დესტმა უნდა დაისვენოს
    --------------------
    91/92 05/06 08/09 10/11 14/15 to be continued
    Culé [?]
    #4 24 იანვარი 2021 11:42
    1
    გრიზმანმა უნდა სტენოს ახლა. კარგი ფორმა აკრიბა ბოლო თამაშებში და იმედია გაუტანს ელჩესაც❤️ გოლი ან პასი უნდა გაახერხოს დემბელემაც. და კიდევ დელაფუენტეს უნდა მისცეს კუმანმა შანსი თუ მალევე მოვუყომარეთ. ერთი ოცი წუთი რომ მისცეს და გრიზმანი-დემბელედან ერთერთი დაასვენოს ძაან კაი იქნება.
    Culé [?]
    #3 24 იანვარი 2021 11:33
    1
    ტერ შტეგენი
    მინგესა, არაუხო, უმტიტი, ალბა
    ბუსკეტსი, დე იონგი
    გრიზმანი, პედრი, დემბელე,
    ბრეითუეიტი

    მისაგები თამაშია აუცილებლად. ანგარიში სავარაუდოდ 1-3
    --------------------
    🗣Johan Cruyff:🗣
    ფეხბურთის თამაში მარტივია, თუმცა მარტივი ფეხბურთის თამაში - რთული"
    ფანი [?]
    #2 24 იანვარი 2021 11:25
    1
    მოსაგები თამაშია წარმატებები გუნდს!!!!!!
    ფანი [?]
    #1 24 იანვარი 2021 11:22
    1
    მოკლედ არ არის ისეთი მეტოქე რომ ვერ მოვიგოთ მაგრამ ისეთ დღეში ვართ უკვე არაფერი აღარ მიკვირს, ამ მატჩის ჩაგდება და ის მცირე იმედის ნაპერწკალიც გაქრება რაც დაგვრჩ ლა ლიგის ტიტულისთვის, მაგრამ ატლეტიკოა ვინ იცის რა მომენტში დაუცდება ფეხი ამიტომ მაქსიმალურად ყველა მატჩში 3 ქული აღებისთვის უნდა ვიბრძოლოთ