განგაში "ბარსელონაში": "კორნელიას" ფეხბურთელს კორონავირუსი დაუდასტურდა
ფეხბურთელს, რომლის წინააღმდეგაც გუშინ "ბარსელონამ" ითამაშა, დღეს კორონავირუსი დაუდასტურდა. ამ ინფორმაციას კატალონიური Sport ავრცელებს.
რამდენიმე დღის წინ "კორნელიას" ორ წევს კორონავირუსი დაუდასტურდა და პროტოკოლის მიხედვით ისინი თვითიზოლაციაში გადავიდნენ. გუშინ "კორნელიამ" "ბარსელონას" უმასპინძლა და 0-2 წააგო.
"ბლაუგრანამ" ესპანეთის თასის მომდევნო ეტაპის საგზური კი მოიპოვა, მაგრამ დღეს გავრცელებული ინფორმაცია განგაშის საფუძველს იძლევა. Sport-ის ცნობით, "კორნელიაში" კორონავირუსი კიდევ ორ პირს დაუდასტურდა. ერთი სამწვრთნელო შტაბის წევრია, ერთი კი ფეხბურთელი, რომელმაც გუშინ ითამაშა.
"ბარსელონას" მომდევნო შეხვედრა ზეგ, 24 იანვარს ელის. დღევანდელი სიახლის შემდეგ, ელჩეში გამგზავრებამდე მთელ გუნდს კორონავირუსზე ტესტის ჩატარება მოუწევს.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 11 ]