ერთი დღე "ბარსას" ისტორიაში - 22 იანვარი

წარმოგიდგენთ რუბრიკას "ერთი დღე "ბარსელონას" ისტორიაში". ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 22 იანვარს მოხდა.

თამაშები

22 იანვარს "ბარსელონას" 19-ჯერ უთამაშია. კატალონიელებმა 13 მატჩი მოიგეს, 2 ფრედ დაასრულეს და 4 წააგეს.

1907 წელი

დაიბადა "ბარსელონას" ყოფილი ფეხბურთელი (1928-1935) და მწვრთნელი (1941-42) რამონ გუსმანი.

1977 წელი

დაიბადა "ბარსელონას" ყოფილი ფეხბურთელი ტონი ველამასანი, რომელმაც 1995-1996 წლებში "ბლაუგრანაში" 15 თამაში ჩაატარა და 4 გოლი გაიტანა.

1998 წელი

"ბარსელონამ" ესპანეთის თასის გასვლით შეხვედრაში "ვალენსია" ანგარიშით 3-1 დაამარცხა. გოლები რივალდომ (2) და ჯოვანიმ გაიტანეს. კატალონიელებს პირველი თამაში "კამპ ნოუზე" 3-4 ჰქონდათ წაგებული.

2005 წელი

"რასინგთან" 2-0 მოგებულ შეხვედრაში რონალდინიომ "ბარსელონას" მაისურით ლა ლიგაში 50-ე თამაში ჩაატარა. იმ შეხვედრაში მან თავი გოლით გამოიჩინა.

2012 წელი

"მალაგასთან" სტუმრად 4-1 მოგებულ შეხვედრაში ლიონელ მესიმ ლა ლიგაში თავისი მე-10 ჰეთ თრიქი შეასრულა.

2014 წელი

ლიონელ მესიმ "ლევანტესთან" ესპანეთის თასზე სტუმრად ჩატარებულ შეხვედრაში (4-1) კრისტიან ტელიოს 3 გოლი გაატანინა. ეს ლეოსთვის "ბარსელონაში" ჩატარებული მე-400 თამაში იყო.

2017 წელი

"ეიბართან" 4-0 მოგებულ შეხვედრაში დენის სუარესმა "ბარსელონას" პირველ გუნდში სადებიუტო გოლი გაიტანა.