"ბარსელონა" ნიკოლო ბარელას აკვირდება
"ბარსელონამ" თვალი მილანის "ინტერის" ნახევარმცველს ნიკოლო ბარელას დაადგა. ამის შესახებ ინფორმაციას La Gazzetta dello Sport ავრცელებს.
"ინტერმა" 2019 წლის ზაფხულში იტალიელი ფეხბურთელი იჯარით დაიმატა, 2020 წლის იანვარში კი სრულად გამოისყიდა. 23 წლის მოთამაშე მიმდინარე სეზონში მილანელთა შემადგენლობის უცვლელ წევრად იქცა. მან მონაწილეობა 25 მატჩში მიიღო, რომლებშიც თავი 2 გოლითა და 8 შედეგიანი გადაცემით გამოიჩინა.
იტალიური წყაროს ცნობით, "ბლაუგრანამ" ბარელას შეძენა მოისურვა. კატალონიელები ახალგაზრდა შუახაზელს ყურადღებით აკვირდებიან. "ბარსა", ამჟამად, მძიმე ფინანსური მდგომარეობის გამო, ნიკოლოს მიმდინარე სატრანსფერო ფანჯრის პერიოდში შეძენას არ გეგმავს, მაგრამ კლუბმა, შესაძლოა, მისი დამატება ზაფხულში ან 2022 წლის იანვარში სცადოს.
Transfermarkt-ის ცნობით, ნიკოლო ბარელას ამჟამინდელი სატრნასფერო ფასი 55 მილიონ ევროს შეადგენს.
ამ სიახლეზე კომენტარები გათიშულია.
კომენტარები [ 9 ]