რეალთან შეთანხმება არ არსებობს - ალაბას აგენტს ბარსელონას არჩევნებამდე მოცდა სურს | Bild
ბოლო პერიოდში მადრიდის "რეალისა" და "ბაიერნის" უნივერსალის, დავიდ ალაბას კავშირის შესახებ ცნობები აქტიურად გავრცელდა.
ახლა კი, გერმანული Bild-ის ინფორმაციით, "რეკორდმაისტერმა" ავსტრიელი ფეხბურთელის მამასა და აგენტთან ესაუბრა. შედეგად, ირკვევა, რომ ჯერ "ბლანკოსთან" არანაირი შეთანხმება არ მიღწეულა.
როგორც წყარო იტყობინება, 28 წლის მოთამაშის აგენტი, პინი ზაჰავი "ბარსელონას" საპრეზიდენტო არჩევნებამდე მოცდას აპირებს და იმ შემთხვევაში, თუ მას ჟოან ლაპორტა მოიგებს, ისრაელის წარმომადგენელს კატალონიურ კლუბთან მოლაპარაკებები სურს.
აგრეთვე, ცნობილია, რომ ალაბას ტრანსფერის თაობაზე, რომელსაც მიუნხენელებთან არსებული კონტრაქტი მიმდინარე წლის 30 ივნისს ეწურება, მინიმუმ აპრილამდე/მაისამდე არანაირი გადაწყვეტილება არ იქნება მიღებული.
აქვე მოგახსენებთ, რომ ამჟამად "ბლაუგრანას" დავიდის ხელფასის გადასახდელი ფული არ აქვს, თუმცა იმის გათვალისწინებით, რომ, დიდი ალბათობით, კლუბი რამდენიმე ფეხბურთელს გაყიდის, ალაბას გადაბირების საკითხი უფრო და უფრო რეალურია.
ამ სიახლეზე კომენტარები გათიშულია.
კომენტარები [ 6 ]