მესისთან ერთად თუ მის გარეშე? | 3 სახის ტაქტიკური მონახაზი
დღეს ლიონელ მესიმ გუნდთან ერთად სრულად ივარჯიშა.
რონალდ კუმანმა კი პრესკონფრენეციაზე დაადასტურა, რომ მესი განაცხადში აუცილებლად მოხვდება, ხოლო მოედანზე ითამაშებს თუ არა ეს უშუალოდ არგენტინელზე იქნება დამოკიდებული.
ქვემოთ 3 სახის ტაქტიკურ მონახაზს განვიხილავთ, რომელიც შესაძლოა, ნიდერლანდელმა სპეციალისტმა მესისთან ერთად ან მის გარეშე გამოიყენოს.
ვარიანტი N1
ლეოს ძირითადში ხილვის შემთხვევაში მარტინ ბრეითუეიტს სათადარიგოთა სკამზე გადანაცვლება მოუწევს. დანიელს "სოსიედადთან" დასამახსოვრებელი თამაშით თავი ნამდვილად არ გამოუჩენია.
მესის გარდა თერთმეტეულში სერჟინიო დესტსაც ვიხილავთ. ნიდერლანდელი კუნთის მცირე დისკომფორტის გამო წინა შეხვედრაში ოსკარ მინგესამ ჩააანაცვლა.
ვარიანტი N2
ლეო მესი და სერჟინიო დესტი თუ 100%-ით მზად არ იქნებიან, ისინი კვლავინდებურად სათადარიგოთა სკამზე დარჩებიან.
რიკი პუჩი "სოსიედადთან" შეხვედრაში ეფექტურად ჩაერთო და შესაძლოა, კუმანი მას დასაწყისშივე ენდოს.
რაც შეეხება სერხიო ბუსკეტსს, მან ბოლო 3 შეხვედრაში გადაბმულად 271 წუთი ითამაშა და ახლა, შესაძლოა, შეხვედრაში მეორე ტაიმიდან ჩაერთოს.
ვარიანტი N3
ამ შემთხვევაში რონალდ კუმანი არაუხო-მინგესას ცენტრალური დაცვის დუეტს კიდევ ერთხელ მიენდობა.
უსმან დემბელე კი წინა შეხვედრაში ნათამაშები 120 წუთის შემდეგ, შესაძლოა, სათადარიგოთა სკამზე ვიხილოთ.
ამ სიახლეზე კომენტარები გათიშულია.
კომენტარები [ 15 ]