საპრეზიდენტო კანდიდატებში ერიკ გარსიას ტრანსფერთან დაკავშირებით უთანხმოებაა
მოგეხსენებათ, ზამთრის სატრანსფერო ფანჯარაზე კატალონიის "ბარსელონა" დაცვის ხაზის გალიერებას ცდილობს, მთავარი კანდიდატი კი ერიკ გარსიაა, რომლის სანაცვლოდაც "მანჩესტერ სიტი" 5 მილიონ ევროს ითხოვს.
Mundo Deportivo-ს ინფორმაციით, "ბარსას" თავკაცი, რონალდ კუმანი ამ ტრანსფერს დაჟინებით ითხოვს, რასაც, თუ არჩევნები დათქმულ დროს არ ჩატარდა, პრეზიდენტობის კანდიდატთა თანხმობა დასჭირდება.
საქმე ისაა, რომ "ლურჯ-ბროწეულისფერთა" ამჟამინდელ, დროებით ხელმძღვანელობას, რომელსაც კარლეს ტუსკეტსი ხელმძღვანელობს, ტრანსფერების განხორციელების უფლება არ აქვს და ამისთვის თანხმობა სჭირდება.
რაც შეეხება არჩევნებს, იგი 24 იანვარსაა ჩანიშნული, თუმცა ესპანეთში არსებული პანდემიის მეორე ტალღის გამო, შესაძლოა, ის გადაიდოს.
პრეზიდენტობის ერთ-ერთი კანდიდატი, ტონი ფრეიშა "ქალაქელებისთვის" გარსიას სანაცვლოდ ფულის გადახდას არ აპირებს, თუმცა მის გეგმებში რონალდ კუმანის წინააღმდეგ წასვლა არაა.
ვიქტორ ფონტი მოლაპარაკებების გამართვაზე თანახმაა და იმედოვნებს, რომ ამით ერიკს უფრო იაფად ჩაიგდებს ხელში, ხოლო ჟოან ლაპორტა ამ გარიგებას ეწინააღმდეგება, რადგან ფიქრობს, რომ კანდიდატებს ასეთი გადაწყვეტილებების მიღების უფლება არ აქვთ.
ასევე, ცნობილია, რომ კარლეს ტუსკეტსსა და პრეზიდენტობის სამ კანდიდატს შორის შეხვედრა ხვალ, თბილისის დროით 21:00 საათზე გაიმართება, სადაც სხვადასხვა საკითხი, მათ შორის გარსიასა და არჩევნების გადადების თემა განიხილება.
ამ სიახლეზე კომენტარები გათიშულია.
კომენტარები [ 12 ]