"არსენალს" ნეტუს შეძენა სურს
ლონდონის "არსენალი" "ბარსელონას" ბრაზილიელი მეკარით, ნეტუთი სერიოზულადაა დაინტერესებული. ამ ინფორმაციას Sky Sports ავრცელებს.
ბრიტანული წყაროს ცნობით, გასულ ზაფხულში "მეთოფეთა" მთავარი მწვრთნელი მიკელ არტეტა ნეტუთი პირადად იყო დაინტერესებული. ლონდონელებს, ამჟამად, კიდევ ერთი მეკარის დამატება სურთ და მზად არიან ბრაზილიელი ფეხბურთელი, ზაფხულში სრულად გამოსყიდვის შესაძლებლობით, მიმდინარე სეზონის ბოლომდე იჯარით აიყვანონ.
გავრცელებული ინფორმაციით, "ბლაუგრანა" გასულ წელს ნეტუს სანაცვლოდ 21 მილიონ ევროს ითხოვდა. როგორც წყარო მიიჩნევს, ნაკლებად სავარაუდოა, რომ 31 წლის კარის დარაჯი მიმდინარე სატრანსფერო ფანჯრის პერიოდში "არსენალს" შეუერთდეს.
ნეტუმ მიმდინარე სეზონში 9 მატჩი ჩაატარა და 7 გოლი გაუშვა. ბრაზილიელმა კარის მშრალად შენახვა 4-ჯერ მოახერხა.
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
კომენტარები [ 10 ]