ლეო მესის კონტაქტის უცნობი პუნქტი
ცნობილი გამოცემა, La Vanguardia „ბარსელონას“ ლიდერისა და კაპიტნის, ლიონელ მესის ბოლო კონტრაქტის საინტერესო პუნქტს ასაჯაროებს.
მანელ პერესის ინფორმაციით, 2017 წელს განახლებული კონტრაქტი წლიურად 100-მილიონიან ხელფასს გულისხმობდა, რაც ასევე დამატებით ორ კონკრეტულ ბონუსს ითვალისწინებდა - 78 მილიონი ევრო.
პირველი ბონუსი, რომელიც არგენტინელს კონტრაქტის განახლებისთვის ერგება, 39 მილიონია. წყაროს ცნობით, ფეხბურთელის გაბრაზება სწორედ ამ საკითხა განაპირობა, ვინაიდან, ეს პუნქტი მხოლოდ გასული წლის ივლისში განხორციელდა.
მეორე ბონუსი, ასევე 39 მილიონი ევრო, კარიერის აქ გაგრძელების ან დასრულების შემთხვევაში გაიცემა და მისი გადახდა ამ სეზონის ბოლოსაა დაგეგმილი.
მაგრამ, გაზეთ Godó Group-ის თანახმად, ამაზე გავლენა, შესაძლოა, ხელშეკრულების გადავადების პუნქტმა მოახდინოს, რომელიც კლუბის მენეჯმენტმა გუნდთან ახლახან გააფორმა.
ამ უკანასკნელის მიხედვით, ბონუსის 8 ნაწილად გადახდაა შესაძლებელი. შესაბამისად, იგი 2020/2021 წლების სეზონის დასრულების შემდეგ დაიწყება და 2025 წლამდე გაგრძელდება.
დაყოვნებული თანხები 42.9%-ს შეადგენს, ხოლო გუნდს მისი გადავადებისთვის 1%-ის გაღება უწევს.
როგორც Mundo Deportivo იტყობინება, ლიონელ მესი ამ თემაზე კომენტარს არ აკეთებს და ასევე დასძენს, რომ არგენტინელი ლეგენდა ამის გამო „ლურჯ-ბროწეულისფერებზე“ ნაწყენი არაა.
ამ სიახლეზე კომენტარები გათიშულია.
კომენტარები [ 8 ]