"ბარსელონა" - სოციალური ქსელების ლიდერი
"ბარსელონას" ოფიციალური ვებგვერდის ცნობით, კატალონიური კლუბი, ზედიზედ მეექვსედ, სოციალურ ქსელებში (Facebook, Instagram, Youtube Twitter, TikTok, Twitch) ყველაზე პოპულარული სპორტული კლუბი გახდა.
Blinkfire-ის მონაცემებით, 2020 წელს, მოწონებების, კომენტარებისა და გაზიარებების საერთო რაოდენობამ (Engagement) 1 მილიარდ 603 მილიონი შეადგინა, რაც მსოფლიოში საუკეთესო მაჩვენებელია. მეორე ადგილს "ლივერპული" (1.485 მილიარდი) იკავებს, მესამეს კი - "მანჩესტერ იუნაიტედი" (1.455 მილიარდი).
წელს, "ბარსელონა" გახდა პირველი კლუბი, რომლის Youtube-ის ანგარიშსაც 10 მილიონ ადამიანზე მეტი გამომწერი ჰყავს. სპორტულ სამყაროში, უკეთესი შედეგი მხოლოდ NBA-ის აქვს (15.7 მილიონი გამომწერი). "ბარსას" ვიდეოებმა, ჯამში, 230 მილიონი ნახვა დააგროვა, რაც, ასევე, საუკეთესო შედეგია.
გასული 12 თვის განმავლობაში, ყველა სოციალურ ქსელში, "ბარსელონამ" 30 მილიონ გამომწერზე მეტი შეიძინა. ერთადერთი სოციალური ქსელი, რომელშიც "ბარსამ" ლიდერის პოზიცია ვერ დაიკავა, Facebook-ია.
ამ სიახლეზე კომენტარები გათიშულია.
კომენტარები [ 6 ]