ერთი დღე "ბარსას" ისტორიაში - 8 იანვარი

ერთი დღე "ბარსას" ისტორიაში - 8 იანვარი

წარმოგიდგენთ რუბრიკას "ერთი დღე "ბარსელონას" ისტორიაში. ამჯერად შემოგთავაზებთ "ბარსელონასთან "დაკავშირებულ მოვლენებს, რომლებიც 8 იანვარს მოხდა.

თამაშები

8 იანვარს "ბარსელონამ" 15 ოფიციალური თამაში ჩაატარა, საიდანაც კატალონიელებმა 9 მოიგეს, 4 ფრედ დაასრულეს და 2 წააგეს.

1911 წელი

"ბარსელონასა" და "ესპანიას" შორის კატალონიის ჩემპიონატში გამართულ შეხვედრაში (4-2) "ბლაუგრანას" ფეხბურთელმა, ხორხე პატულიომ ჰეთ თრიქი შეასრულა. მე-4 გოლი უოლასმა გაიტანა.

1977 წელი

დაიბადა "ბარსელონას" ყოფილი ფეხბურთელი ფრანჩესკო კოკო. 2001-2002 წლების სეზონში მან "ბლაუგრანას" მაისურით 33 თამაში ჩაატარა, 1 გოლი გაიტანა და 2 საგოლე გადაცემა გააკეთა.

1984 წელი

დიეგო მარადონამ გოიკოეჩეას მიერ მიყენებული 3 თვიანი ტრავმა მოირჩინა. პირველივე შეხვედრაში, "სევილიასთან" მატჩში (3-1), მან თავი დუბლით გამოიჩინა.

1994 წელი

"ბარსელონამ" "რეალი" 5-0 გაანადგურა. გოლები რომარიომ (3), კუმანმა და ივან იგლესიასმა გაიტანეს.

1998 წელი

ევროპის სუპერ თასის პირველ მატჩში "ბარსელონამ" ჩემპიონთა ლიგის გამარჯვებული "დორტმუნდი" 2-0 დაამარცხა. გოლები ლუის ენრიკემ და რივალდომ გაიტანეს.

2006 წელი

"ბარსელონამ" ქალაქურ დერბიში "ესპანიოლი" სტუმრად 2-1 დაამარცხა. გოლები დეკუმ და სამუელ ეტო'ომ გაიტანეს.

2011 წელი

48 წლის ასაკში სიმსივნით გარდაიცვალა "ბარსელონას" ყოფილი ფეხბურთელი ანხელ პედრასა. პედრასა "ბარსას" სკოლის აღზრდილი იყო. "ბლაუგრანასთან" ერთად, 1985-1988 წლებში, მან ესპანეთის თასი და ლიგის თასი მოიგო, 1986 წელს კი ჩემპიონთა თასის ვერცხლის მედალს დაეუფლა.

2014 წელი

ლიონელ მესი 2 თვიანი ტრავმის შემდეგ დაბრუნდა და "ხეტაფესთან" ესპანეთის თასზე გამართულ შეხვედრაში თავი დუბლით გამოიჩინა.

2015 წელი

ესპანეთის თასზე "ელჩესთან" გამართული მატჩის 25 წუთიან მონაკვეთში 5 გოლის გატანის წყალობით "ბარსამ" 1/8-ფინალის პირველი თამაში 5-0 მოიგო.

2019 წელი

"ბარსელონამ" "ტულუზიდან" ჟან-კლერ ტოდიბოს ტრანსფერი დაადასტურა.

  • გაწევრიანდი "ბარსელონას" გულშემატკივრების Facebook ჯგუფში

    კომენტარები [ 5 ]

    ინფორმაცია
    ამ სიახლეზე კომენტარები გათიშულია.
    Culé [?]
    #5 8 იანვარი 2021 18:08
    0
    გენაცვალეთთ ძალიან კარგია 💜
    ფანი [?]
    #4 8 იანვარი 2021 16:40
    0
    ტოდიბოზე დამწყდ გული, იქნებ დააბრუნონ, კარგი მონაცემები ჰქონდა და დრო უნდოდა რო იფრო გახსნილიყო და კარგად ათამაშებულიყო
    Culé [?]
    #3 8 იანვარი 2021 14:47
    0
    რატომ გაყიდეს ტოდიბო რაა. მ9მწონდა ძაან
    --------------------
    🗣Johan Cruyff:🗣
    ფეხბურთის თამაში მარტივია, თუმცა მარტივი ფეხბურთის თამაში - რთული"
    სტაჟიორი [?]
    #2 8 იანვარი 2021 12:59
    2
    1994 წელი და 5-0, გაუწამებიათ რეალი
    Culé [?]
    #1 8 იანვარი 2021 11:34
    2
    5-0 ❤️😉 ადრეც რა დღეში გვყავდა მადრიდი.
    --------------------
    "ჩვენ ორი ვართ ქვეყანაზე, მე და ბარსა, მე და ბარსა!!!"