რა ვარიანტები აქვს რონალდ კუმანს ფილიპე კოუტინიოს ჩასანაცვლებლად
როგორც იცით, "ეიბართან" გამართულ შეხვედრაში (1-1) კატალონიელთა ფეხბურთელმა, ფილიპე კოუტინიომ ტრავმა მიიღო და სულ ცოტა, თვენახევარს გამოტოვებს.
ამ პერიოდში რონალდ კუმანის შეგირდებს 10 მატჩის (თუ ესპანეთის სუპერ თასის ნახევარფინალში "რეალ სოსიედადი" დავამარცხეთ) ჩატარება უწევთ, ლაზარეთში კი უკვე 4 მოთამაშე - ჟერარ პიკე, სერჟი რობერტო, ანსუ ფატი, ფილიპე კოუტინიო - იმყოფება.
შესაბამისად, ნიდერლანდელმა სპეციალისტმა ახალი გეგმები უნდა შეადგინოს, რათა იანვრის თვის ურთულესი კალენდარი წარმატებულად დაძლიოს. ყველაფერთან ერთად, "ატლეტიკოსთან" თამაშის გარდა, "ბარსამ" დანარჩენი დაპირისპირებები გასვლაზე უნდა ჩაატაროს.
შექმნილი ვითარებიდან გამომდინარე, როგორც Mundo Deportivo იტყობინება, პედრი ბრაზილიელის შეცვლის მთავარი კანდიდატია, თუმცა კუმანს ასევე აქვს რიკი პუჩისა და კარლეს ალენიას ვარიანტები.
მიუხედავად ამისა, ისიც უნდა აღვნიშნოთ, რომ რთული სავარუდოა, უკანაკსნელ ორ მათგანს რონალდი რამდენად გამოიყენებს, ვინაიდან, რიკარდი და კარლესი 57 წლის სპეციალისტის გეგმებში არ შედიან და მათი იჯარით გაშვებაც სურდა. მაგრამ, ფილიპეს დაზიანების შემდეგ, შესაძლოა, კუმანმა ერთ-ერთი მათგანის დატოვებაზე თანხმობა განაცხადოს.
ამ სიახლეზე კომენტარები გათიშულია.
კომენტარები [ 12 ]