"ბარსელონა" ზამთარში კოუტინიოს გაყიდვას გეგმავს
კატალონიური გამოცემა Diario ARA-ს ინფორმაციით, "ბარსელონას" დროებით ხელმძღვანელს, კარლეს ტუსკეტსს, ზამთრის სატრანსფერო ფანჯარაზე ფილიპე კოუტინიოს გუნდიდან გაშვება სურს, რისი მთავარი მიზეზიც კლუბის მძიმე ფინანსური მდგომარეობაა. ამასთან დაკავშირებით ტუსკეტსმა სპორტულ დირექტორ რამონ პლანესს მიმართა.
კოუტინიო იმ ფეხბურთელთა რიგებში შედის, რომლებსაც "ბარსელონაში" ყველაზე მაღალი ანაზღაურება აქვთ, ასე რომ, მისი წასვლის შემთხვევაში სახელფასო ბიუჯეტი მნიშვნელოვნად შემცირდება. ამასთან ერთად, კლუბში მიიჩნევენ, რომ ფილიპეს პოზიციაზე საკმარისი რესურსი მის გარეშეც მოიძებნება.
ბრაზილიელმა შემტევმა "ბაიერნიდან" (სადაც იჯარის წესით ერთი სეზონი გაატარა) დაბრუნების შემდეგ სეზონი კარგად დაიწყო, თუმცა ფორმის შენარჩუნება ვერ მოახერხა და ძირითად შემადგენლობაში ადგილი დაკარგა.
ამ სიახლეზე კომენტარები გათიშულია.
კომენტარები [ 31 ]