RMC Sport: ნეიმარი 3 კვირას გამოტოვებს
კვირას, "მარსელთან" შეხვედრის მიწურულს, ძალიან უხეში ვარდნის შემდეგ ნეიმარმა ერთი შეხედვით უმძიმესი ტრავმა მიიღო. ფეხბურთელი ძალიან განიცდიდა და მისი ემოციიდან გამომდინარეც შეგვეძლო გვეფიქრა, რომ ბრაზილიელს საკმაოდ დიდი დროის გაომოტოვება მოუწევდა.
პსჟ-მ ოფიციალური განცხადება გამოაქვეყნა, სადაც ტრავმის სიმძიმეზე იყო ყურადღება გამახვილებული და 10-იანის დაბრუნების შესახებ დამაიმედებელ ცნობებს ავრცელებდნენ. მიუხედავად ამისა, დაახლოებით რამდენი ხნით მოუწევდა ნეიმარს უქმობა საუბარი არ ყოფილა.
ერთ-ერთი ყველაზე სანდო ესპანური გამოცემის, RMC Sport-ის ცნობით, ყოფილ "ბლაუგრანელს" მხოლოდ 3 კვირით მოუწევს საფეხბურთო მოედანს ჩამოშორება. შესაბამისად, ის კატალონიელებთან ჩემპიონთა ლიგის ეგიდით გასამართი თამაშისთვის სრულ მზადყოფნაში იქნება.
შეგახსენებთ, რომ 1/8 ფინალური დაპირისპირების პირველი მატჩი 16 თებერვალს გაიმართება.
ამ სიახლეზე კომენტარები გათიშულია.
კომენტარები [ 11 ]