რონალდ კუმანი "ლევანტესთან" მატჩის წინ
კატალონიის "ბარსელონას" ნიდერლანდელი მწვრთნელი, რონალდ კუმანი, "ლევანტესთან" დაპირისპირებამდე პრესკონფერენციას მართავს.
"ლევანტესთან" დაპირისპირება? მატჩი "კამპ ნოუზე" გაიმართება და გვსურს, რომ მეტოქეს 3 ქულის დასამსახურებლად, გოლები გავუტანოთ. მეტი ყურადღება, მონდომება, შანსებისა და სივრცეების შექმნა გვჭირდება. ჩვენთვის ძალიან მნიშვნელოვანი კვირაა.
"კადისთან" და "იუვენტუსთან" მარცხის შემდეგ, რა ცვლილებები სჭირდება კლუბს? რა თქმა უნდა, გაუმჯობესება დაცვით ასპექტებში გვჭირდება. მიუხედავად მარცხებისა, კარგად გამოვიყურებოდით. ჩემპიონთა ლიგაზე 18 შესაძლო ქულიდან, 15 მოვაგროვეთ.
რიკი პუჩი? მან "ბებერ ქალბატონთან" კარგად ითმაშა. ვნახოთ, ხვალ რა მოხდება.
"რეალისა" და "ატლეტიკოს" დაპირისპირება? ჩვენ მხოლოდ ჩვენი თამაშის მოგებაზე ვართ კონცენტრირებულნი. "ატლეტკო" ლიდერია და, რა თქმა უნდა, მისი წაგება გვაწყობს.
გუნდი ჩემს რჩევებს არ ისმენს? განვითარება გვჭირდება, რადგან ლა ლიგაში ცუდი სიტუაცია გვაქვს. "იუვენტუსთან" კი გამოიკვეთა, რომ დაცვაში სერიოზული პრობლემებია. ახლა მხოლოდ ამ პასუხის გაცემა შემიძლია.
ყველაფრის მიუხედავად, პესიმისტურად არ ვარ განწყობილი. "იუვენტუსი" იტალიაში დავამარცხეთ.
კალენდარული წლის დასრულებამდე 5 მატჩი რჩება. როგორც ვთქვი, მარტივი მატჩები არ იქნება, თუმცა ყველაფერი ჩვენზეა დამოკიდებული. თუ კარგად ვითამაშებთ, ვერცერთი კლუბი ვერ მოგვერევა.
ბედნიერი ვარ. თუმცა შედეგებით უკმაყოფილო. ვნახოთ, რა იქნება იანვრიდან, როდესაც კლუბს ახალი პრეზიდენტი ეყოლება...
რა სჭირდება რიკი პუჩს? არ მინდა, რომ მოთამაშეზე ინდივიდუალურად ვისაუბრო. მწვრთნელი მხოლოდ გუნდურად აფასებს, პირველ გუნდში კი 25 ფეხბურთელი მყავს.
გუდი არარეგულარულ სიტუაციაშია. სატურნირო ცხრილის ბოლოში ყოფნა უფრო ცუდია, ვიდრე ჩვენი ამჟამინდელი პოზიცია. რეალისტურები უნდა ვიყოთ. დარწმუნებული ვარ, რომ თამაშების მოგება შეგვიძლია.
"კადისთან" მატჩის შემდეგ დავტუქსე თუ არა ფეხბურთელები? მოთამაშეებს ყოველთვის ვამხნევებ და პატივს ვცემ. საბოლოოდ, მათ მოკვლას არავინ აპირებს, თუ რამე შეეშლებათ.
მოთამაშეებს სათამაშო სტილი არ მოსწონთ? ცრუ ინფორმაციაა, მსგავსი რამ ჩემთვის არავის უთქვამს.
ვგრძნობ თუ არა მოთამაშეებისაგან მხარდაჭერას? დიახ, ვგრძნობ, რომ ყველა ჩემს მხარესაა.
ცვლილებები? ამ გუნდს დიდებული კლასი აქვს, თუმცა 2 დღეში ყველაფერს ვერ შეცვლი.
კლუბს რთული პერიოდი აქვს და არამარტო სპორტული კუთხით. ვხედავ, რომ მოთამაშეებს წინსვლის სურვილი აქვთ.
ტეგები
მსგავსი სიახლეები
გაწევრიანდი "ბარსელონას" გულშემატკივრების Facebook ჯგუფში
ინფორმაცია
ამ სიახლეზე კომენტარები გათიშულია.
ამ სიახლეზე კომენტარები გათიშულია.
1 2
კომენტარები [ 26 ]