Marca: "ლეგანესი" ბრეითუეიტის დაბრუნებას განიხილავს
იანვარში, "ბარსელონას" დანიელი შემტევი, მარტინ ბრეითუეიტი, შესაძლოა, "ლეგანესში" დაბრუნდეს, იტყობინება Marca.
მადრიდული კლუბი, რომელიც ამჟამად სეგუნდა დივიზიონში მესამე ადგილზე იმყოფება და დაწინაურების რეალური კანდიდატია, შემადგენლობის გაძლიერებას გეგმავს. ერთ-ერთი ვარიანტად კი ბრეითუეიტის იჯარით აყვანა განიხილება.
გავრცელებული ინფორმაციით, "ბარსას" 29 წლის ფეხბურთელი ტრანსფერზე ჰყავს დაყენებული, რათა გუნდში სახელფასო ბიუჯეტის შემცირება და შემადგენლობის გადახალისება მოხდეს. რონალდ კუმანის მოსვლის შემდეგ, მას დიდი სათამაშო დრო არ ეძლევა.
ტრანსფერი, შესაძლოა, თავად ბრეითუეიტმა ჩაშალოს. მას არაერთხელ უთქვამს, რომ მის მიზანს კატალონიაში დარჩენა და ძირითადი შემადგენლობისთვის ბრძოლის გაგრძელება წარმოადგენს.
2020/21 წლების სეზონში დანიელმა 6 შეხვედრაში მიიღო მონაწილეობა, ჯამში კი მოედანზე 44 წუთი დაჰყო. "ბარსელონას" მასთან ხელშეკრულება 2024 წლის ივნისამდე აქვს გაფორმებული.
ამ სიახლეზე კომენტარები გათიშულია.
კომენტარები [ 4 ]