რატომ არ შემოიყვანა კუმანმა ტრავმირებული რობერტოს ნაცვლად მოედანზე არავინ?
"ატლეტიკოსა" და "ბარსელონას" შორის ახლახანს დასრულებული შეხვედრის (1-0) მიწურულს ერთი შეხედვით ერთი უცნაური რამ მოხდა.
სერჟი რობერტომ ტრავმა მიიღ და მან მოედანი იძულებით დატოვა. რონალდ კუმანს 5 ცვლილებიდან 4 ჰქონდა გამოყენებული, მაგრამ მან ესპანელი უნივერსალის ნაცვლად მოედანზე მაინც არავინ შეუშვა და "ბარსამ" თამაში 10 კაცით დაამთავრა.
სინამდვილეში, კუმანს მეტი ცვლილება დარჩენილი არ ჰქონდა. საქმე ისაა, რომ კორონავირუსის პანდემიის გამო ცვლილებები სამიდან ხუთამდე კი გაიზარდა, მაგრამ კიდევ ერთი დათქმა დაემატა - მწვრთნელს უფლება აქვს თამაში ცვლილების გამო მაქსიმუმ 3-ჯერ შეაჩეროს. დღევანდელ შეხვედრაში კი კუმანს ეს ლიმიტი უკვე ამოწურული ჰქონდა - 57-ე წუთზე მან პედრი კოუტინიოთი ჩაანაცვლა, 62-ე წუთზე პიკეს ნაცვლად მოედანზე დესტი შემოვიდა, 83-ე წუთზე კი გრიზმანისა და პიანიჩის ნაცვლად თამაშში ტრინკაუ და ბრეითუეიტი ჩაერთნენ.
ამ სიახლეზე კომენტარები გათიშულია.
კომენტარები [ 12 ]